أنا آسف إذا مزحي حبيبي قد خـدش كاسـكْ


ترى والله يا عمري مـرادي أرسـم البسمـهْ



أنامادري جهل مني جهلـت برقـة احساسـكْ


وصرت أهدي أعاصيري وكان المفترض نسمهْ



نخيتك يالغلا تكفى رجيـت الطهـر بأنفاسـكْ


تواسيني و تسامحني على التقصير في رسمِـهْ



ترى قدرك علا عندي يوازي العمر مقياسـكْ


يكفي خافقكْ كوني وروحـي تسكـن بجسمـهْ



تظلل راحتي واقبـل خـذ الأحـلام أفراسـكْ


ولو بيدي عطيتك من سعـادة خافقـي قسمـهْ



ألا يا وردة أغراسي بحبـي ارفعـه راسـكْ


ترى حبك عناويني وكـل العـز فـي اسمـهْ



تعال اكتب لك اعذاري على دوحات كراسـكْ


شعوري يمطر بطيفك هتـونٍ يفتنـك وسمـهْ



تعذرت وطلبت العفو وارجي جود نوماسـكْ


وخليت العذول اللـي منعنـي يذبحـهْ سمِّـهْ



رجاي انك تقبلنـي وتمسـحْ بالعـذر باسـكْ


غلب عفوك وذا شئٍ وأمـرٍ مسبـقٍ حسمـهْ