اهداء خاص لقلبها وطن من السموه....

[السموه]

فديتك ياهوى نفسي مع الشدات خاويني
فديتك لاقسى وقتي علي وناحت أشجاني


أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني


أبيك البلسم لجرحي وأبيك النوم في عيني
وأبيك اللي ليامني صحيت ألقاه بأحضاني


طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني


سألتك بالله الوالي سألتك لاتجافيني
لأني أمووووت بغيابك ياروحي وجثماني


معي واصل مشاويرك أواسيك وتواسيني
معي إبقى مثل ظلي حذااااري لاتعداني


أبي منك الوعد إنك على غيري تبديني
وأنا هذا وعد مني ماأبيعك وأشري الثاني


وإذا بلسانك الصادق نطقت وقلت تغليني
أنا بأعلن خبر عااجل تعالوا إقروا إعلاني


أبكتب داخل الإعلان إلى من صار يغليني
إلى قلبي إلى عمري إلى من صار يهواني


إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني


وأبكتب داخل الإعلان وصيه كان شاريني
معي بالطيب عاملني ولاتجرح بهجراني


ومهما تقـسي الدنيا عـلينا لاتعـــاديني
ولاتسعى أبد في يوم في عندي وعصياني


أبيك دكتور لآلامي من أحزاني تداويني
وأبي لاكفت أبصاري تكون النور لأعياني


وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني


وبعد ماأكون في قبري تذكرني وتبكيني
وأكون حزن على بالك ماتغفل وتنساني


أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني


وتجاوبهم إني حي وبالأضلاع تخفيني
وإني سلوة الخاطر معك لاصرت وحداني


أبيك تقول هو مامات أحاكيه ويحاكيني
أبيك تقول هو موجود وخبيته بوجداني


أبيك تقول هو دمي اللي في شراييني
لأنك دمي اللي كان يضخه عرق شرياني


وأبي لازادت جراحك تخيلني وتناديني
وتفتش داخل شعورك وتهمسلي وتلقاني


وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني


ترى لو للقصيد عيووون والله ماتقديني
لأني للقصيد عيون وإسمك رمز ديواني


وترى لو للحروف أهداب تعجز لاتغطيني
لأني للحروف إيحا ووحيك سر لإذعاني


تداركت الزمن يمك الا ياليت يمديــني
أخاف أجيك متأخر وسيف الوقت ياطاني


نسيت من أجلك الصادق اللي الروح يعطيني
ونسيت الأول والآخر والقاصي مع الداني


وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني


كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني


كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني


تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني


أنا سميتك الدنيا وأنت وش تسميني ؟؟
ودنيا" مابها حسك ماأبيها وعمرنا فاني

[السموه]

لبيه لبا .. لبا لبيه .. لبا
لبيه إليامن قال لبيه .. لبيه


أنشهدنه دائي وإدواه طبا
لبيه أليامن قالها أتوه وأتيه


هذاك حبه وسط قلبي مخبا
محدٍ قدر ياصل لحبه وياتيه


لنّه على سلم المعزه مربا
ومحدٍ قدر يلحق بحبه مشاريه


صبيت حبه داخل القلب صبّا
ماغير أداري كل حبّه وأداريه


عليه خوفي من صلوف المهبا
أحول بينه والهوى لا يأذيه


غيره بقلبي جاعل ٍ له مطبا
هو الوحيد اللي بقلبي أماشيه


غصبا وغصبا يالعواذل وغصبا
ماغيره اللي ماخذ العقل وأبيه


حتى الحكي لا صار منّه مسبا
ما كنّه الا قايلٍ لي ((يالبيه))

[قلبها وطن]

[السموه]

الغـــلا قصه عجيبه تبتدي بضحكة عيون..
قصه فارسها مشاعر نابضه بأغلى غرام....
نصها كلمة (أحبــــــك) ياحبيبي للجنون......
تنطلق من قلب عامر بالمحبه والسلام....
هذي هي قصة غرامي يوم جيتك ياحنوووون..
مابقي شي بكياني غير حبك بإحترام..
جيــــت لك تضحك شفاهي بإبتسامات الجفون..
جيت لك والقلب غارق في عبارات الكــلام..
ماتصنعت المشاعــر لأجل أبرهن (من أكـــــوون؟)
كان همي إني اوصل ساحلك يــاأغلى حبيـــب .....
أبتســـــم ساعة أشوف >>مرسالك<<وأنسى أيام الشجون .....
وأتخذ لأجلك مساحه في مواعيد الزحام!!
لاتلاقينا وشفتك قاسي الغربه يهــــــــون !!%
والفــــــرح يسري بدمي ويخترق صلب العظام .....
وإن تفارقنــــا دقيقه مالت أوراق الغصون .....
والدقيقه في عيوني شفتها الفين عــــــام؟؟
&الغيـــاب!& يــــــــاهو غيابـــــك صب لي كاس المنون .....
أشربه ظلم وتجني وأرتويبه بإنصدام .....
الغلا ماهو حكايه تعتبر ضمن الفنون .....
الغلا عشته بقلبك يــــاقمر وسط الظلام%
لو درا بصادق غرامي الغدر حــــــرم يخــــــــون!!%
ولو يعيشه كل مذنب إلتزم بعد الحرام!!%
والبلابل لو تحسه زادت أنغام اللحون ..%
وبه تغنت وإهتفت به وغارت أسراب الحمام .....
والبحر لو قاس حبي صارت أمواجه سكـــــون .....
وقال أنا قطره وجف وأبهر أحلام الأنام ...
حتى قيس اللي تصدر قايمة أهل الجنون..!!
واللي أهل العشق أخذوا من (أساطيره) وسام..%..
ماوصل عشقه بليلى مرحلة (ضم) الحضون!!!!!
ولاتحدى في غلاها لذة أنفاس المنام.....
وعنتر وعبله غلاهم باهت ماله أي لون!!
بعد ماشخصت قلبي حبهم فيه إنفصـــام !!
كل حب غير حبي مثل همال المزون ...%
يستمر وقت السحاب وينتهي بعد الغمــــام .....
وكل شعر غير شعري مايفي باللي يبون...
تكتب حروفه أحبك ونيته بالإنتقــــــام ...!!!
أتحــــدى
وأتحـــــدى
وأتحــــــــدى من يكــــــــون؟
إن قلب" غير قلبـــــي
(حبه صــــــــادق) بالتمام .....!
وإن كلامي ماعجبهم يفعلون مايشتهون!!
يمكن لاشافوا ولاي عندهم ينشأ إهتمام..؟؟
الغلا قصه وصارت بيني وبينك (جنون)%
حكيتها بشعور قلبي قبل مايبدا الكـــــلام....%
الغـــــــلا واقع أعيشه معك مايرضى الظنــــــــون؟؟
واقع أجمل من خيال واقع نبراس الوئام..
بطلبــــــــــــــك:=:=:
قبل أنتهي كانك لإحساســـــي تصــــــــون !!
إن لحظــــــات التواصل نغتنمها إغتنــــــــام..
مانبي الأيام تمشي والمشــــــــاعر يلهثـــــــون!!
والخطاوي الهاويه في سراديب الخصــــــــام،،،،
والأمـــــــــانه في النهايه ياحكي (حب العيون)
لافهمت حروف شعري ضمها بعد الختــام...^_^

[قلبها وطن]

يااغلى ماعندى ايش باقي ماسويت انت ملكت الروح الاول وتالي

طيفك يشاغبنى اذا مرة صديت ويقولى مالك فى حياتك بدالى

انا حبيبى كل مارحت اوجيت يحرم عليا طيفك يفارق خيالى
ساكن وسط قلبى ولا مثلك اغليت وغيرك حياتى لامايطرى فى بالى

يحلى صباح دامي اشوفك امسيت تحلالى ايامى وكل الليالى

دامك حبيبي فى حياتى اتهنيت وكل الهنا كله اشوفك قبالى

طيفك يشاغبنى اذا مرة صديت ويقولى مالك فى حياتك بدالى

[السموه]

أحبـك قلتهـا بقلبـي .. وباحساسـي وبلسانـي
كثير قلـوب ترجيهـا .. ولكـن لا يهمّونـك

أحبك ما أبي غيرك .. ولـو غيـرك ترجّانـي
أنا شاريك ما أبيعـك إذا غيـري يسومونـك

أموت أشتاق لك كلي .. أبيـك تـزور أعيانـي
خفوقي يا غلا ينزف وله واشواق مـن دونـك

أطير من الفرح لا من لفـى صوتـك وحيّانـي
أحس اني أهم الناس لا من قلت : شلونـك ؟

ألوم النفس لا قلت : بكيت ومـا أحـد جانـي
أنا وش عاد يضحكنـي اذا العالـم يبكّونـك ؟

إلى منّك تضايقت .. أنا المسـؤول والجانـي
أنا المفروض ما أرضـى أخلّيهـم يزعلونـك

أحبك زود عن روحي عن أعمامي عن إخواني
وباقي الناس يا عمري .. تـرى والله يفدونـك

عليم الله لا قلت : ( أحبك) زالت احزانـي
واذا قلت : ( أحبك موت ) صحت وقلت : مجنونك

غدير الحب في قلبك .. حنان ولهفـة اروانـي
أذوب بهمسة ٍ عذراء .. وأثبت إني مفتونك

أنا في دنيتي تايه .. ولا ادري ويـن عنوانـي
ويوم اني عرفتك صار عنواني هو عيونك

أغار من امك وعمك .. وهذا وذاك والثاني
أغار من اصغر اخواتك ولا ودّي يشوفونك

عيوني لو طلبتها لقيت الكـل .. هنّانـي
ترى روحي مع عيوني مناهم بس يرضونك

[قلبها وطن]

نسيت الناس والدنيا و جيتك
يكفيني عن العالم حنانك
انا لا ضاقتك الدنيا و لقيتك
يهون الكل يا روحي عشانك
عيونك دنيتي والقلب بيتك
وعيني وين ما ترحل مكانك
انا عطشان لك مهما رويتك
ولا في العمر أمان ا لا امانك
قدر عمري و انا والله رضيتك
تذوبني احبك من لسانك
انا في القلب يا قلبي نسيتك
وفوق انا ... أنا عليت شانك

[السموه]

ياعز خلق الله يحميك ربي
يامنيتي والله ما انساك لحظه
يامن فداك الروح ياقلب قلبي
يحفظك رب الروح بامره وحفظه
منزلك وسط العين واهديك حبي
يفداك كل الكون طوله وعرضه
والله احبك موووووت يانور دربي
أقسم ببيت الله واقسم بفرضه
لنك اعز الناس يحميك ربي
ياغايتي والله ما انساك لحظه

[السموه]

[السموه]

أنا يابنت لو شوقي تجمع حطـم الأشـواق

أنا من قو شوقي لك لقيت الكبـد محروقـه



ألا يازين لو تدري بما في داخـل العشـاق



يجرحنا اللهيب اللي يشب القلـب وعروقـه


محبتنا مشاعرنا نصدرهـا مـن الأعمـاق


نوردها على بحر الغـرام ونعتلـي سوقـه


والا من قلت أنا أحبك أوكدها مـن الخفـاق


لأني خابرن وأعرف أصول الحب وحقوقـه


مدام أن الوفا طبعي وطبعـك للوفـا سبـاق


أبي منك تعاهدني تصون الحـب وتسوقـه


لو أن البعد ياخلي صعيب ومـر ماينطـاق


تصبر وأصبر وبصبر عسى الأيام ملحوقـه


أكيد أني أبلقاكم وأكيـد أنـي أنـا مشتـاق


يجمعنا الزمان اللي يلـم الشمـل ويعوقـه


سرقت الروح ياخلي وماني خابرك سـراق


فقدت الروح أدورها لقيت الروح مسروقـه


فداك الروح تستاهل لمثلك روحنـا تنسـاق


بيديك الروح أقدمها هديـه غيـر مسبوقـه


نسوق الروح للغالي نصون العهد والميثـاق


توثق له مشاعرنا مصـادر حيـل موثوقـه


بيوت الشعر من قلبي واسجلها على الاوراق

عساها تطرب جماهيراً تعرف الشعر وتذوقه

[قلبها وطن]

ودي اكتب والقلم عيا يطيع
ما هي الأشواق ولا هو السبب
السبب حلم من ايديني يضيع
مو باديني ضايع مني غصب
احتري طيفه باشواقي جميع
يعلم الباري ان صبري قد نضب
ما احتري خل يشتريني أو يبيع
لا ابي دنيا ولا ادور فيض حب
ودي احضن لصدري طفل رضيع
يفترش عيني والحفه بهدب
ويش اسوي والرفض منهم جميع
اقتلوا حلمي وواروه الترب
يا سموه جيتك وهمي فظيع
اشتكي لك ودمع عيني منسكب
ودي احتضن ذاك الرضيع
واسكب بقلبه حناني وانسكب

[السموه]

[السموه]

[قلبها وطن]

[قلبها وطن]

[قلبها وطن]

حملت قلمي...
وإذا به يخط...
و يكتب أروع الكلمات...
يكتبها لمن يستحق...
لك أنت يا صديقتي...
لك أنت يا بئر أسراري...
وفي روحك قد كتبت...
أروع الكلمات...
ولك قد مدحت...
في قلبك الصافي...
النقي ،، الصادق...
مهما كتب قلمي...
ومهما نطق لساني...
لا استطيع وصف...
مكانتك في قلبي...
يا من لا استطيع إخفاء...
شيء عنها...
وعن قلبها النابض...
حباً ونقاءً...
كلما أتذكر الماضي...
أسخر من نفسي...
وتعلوا ضحكاتي...
ع تلك المشاجرات...
التي كنت معك فيها...
ع المواقف التي لم...
ولن كنت أنوقع...
إننا في يوم من الأيام...
سنصبح بمثل هذه الصداقة...
نعم يا صديقتي...
هذه خاطرتي لك...
وأتمنى أن...
تعطيني رأيك...
فيها....
وأرجوا أن...
تنال إعجابك...

راقت لي فاهديتها لقلبي

[السموه]

ودي اكتب والقلم عيا يطيع
ما هي الأشواق ولا هو السبب
السبب حلم من ايديني يضيع
مو باديني ضايع مني غصب
احتري طيفه باشواقي جميع
يعلم الباري ان صبري قد نضب
ما احتري خل يشتريني أو يبيع
لا ابي دنيا ولا ادور فيض حب
ودي احضن لصدري طفل رضيع
يفترش عيني والحفه بهدب
ويش اسوي والرفض منهم جميع
اقتلوا حلمي وواروه الترب
يا سموه جيتك وهمي فظيع
اشتكي لك ودمع عيني منسكب
ودي احتضن ذاك الرضيع
واسكب بقلبه حناني وانسكب

قلبها اعذري مجاراتي الخجوله والقاصره والتى لاتعرف نظم الشعر ابدا
بس ردا على شكواك التي هزت مضجعي
اصبري والصبر مفتاح الفرج عند الجميع
..................والحزن عمره ما دام بهدب
بانصحك نصحا من حبيبا مايبيع
.....الدعاء الحل وراح تشوفي فيه العجب

[قلبها وطن]

[صامطية]

معليش خشيت عرض
هذا إهداء مني للغاليتين [السموة] و [قلبها وطن]


هبت شمال وساقت الوبل هتان
قالوا روى قلب العطش قلت لِلَه

توه يبل الريق من ريق الأمزان
قلبٍ تفيا غيمةٍ مسفهله

ودي تفيض بفاتر الصوت غدران
المطر يرفا عن الكبد عله

حي الغلا بشفاك ياعطر الأشجان
قل للغرير اللي نهى القلب قله

طاح الربيع ووردت جرد الأغصان
عشب القلوب مصافح الخل خله

نش السراب وحادي الغيم نشوان
هيض غناه معانق الورد طله

من فرحتك شابت نواطير الأحزان
وبجيتك خان أسود الهم ظله

هج الظلام وسال في حجر الأعيان
ضي تزفه غرةٍ مسفهله

لك من هنا لأخر تفاصيل الأزمان
حبٍ تمده راحةٍ ماتمله

واليا لفحك القيظ بأطراف الأجفان
خذ نصف قلبي لا خذ القلب كله

احيان اسوق العمر وتسوقه احيان
بيني وبينك دق عمري وجله

نمسي على جال المقادير خلان
نصبح ومرباع الغلا في محله

ماعاتبك لو ساهي الرمش كسلان
ألقا العزا بمزاح شعرٍ تفله

هاك القصيد تفجر الحب بركان
خذ من سناه وبارد الحرف خله

ياعل شعرٍ منت قافه والأوزان
تصدا عليه شهورهن و الأهله
---------
صاااامطية

[قلبها وطن]

قلبها اعذري مجاراتي الخجوله والقاصره والتى لاتعرف نظم الشعر ابدا
بس ردا على شكواك التي هزت مضجعي
اصبري والصبر مفتاح الفرج عند الجميع
..................والحزن عمره ما دام بهدب
بانصحك نصحا من حبيبا مايبيع
.....الدعاء الحل وراح تشوفي فيه العجب

يحفظك ربي يا القلب الوسيع
نصحك بحروف الذهب ينكتب
رافعه كفي لربي وربي سميع
اسأله تسهيل اللي عليه قد صعب