انتظرت طويلا ان اكتب شيئا هنا ليس بمنقول ولا منسوخ ومضاف اليه بعض العبارات
احببت هذا المنتدى وصدقا فقد انشغلت باشياء كثيره ولكن اعود لاكتب هنا بعض من كلماتي
امي مره قالت لي لاتتكلمي كثير لانك ماتعرفي تنسيق الكلمات وانا فعلا مثلما قالت امي رحمها الله مااعرف انسق الكلمات ولكن مادفعنبي للكتابه اليوم اللي شفته بالامس وانا في طريق رجوعي من مكان عملي
شفت شايب كبيرا يقطع االطريق ومعه امرأه كبيره بالسن اظن انها زوجته طبعا الساعه كانت الواحده والنصف ظهراً الجو حار طبعا ومرررررررره موت والمكان طريق مافيه بيوت ولا شي يعني طريق طويل ومدري مساكين وين رايحين وربي لما شفت المشهد هذا بكيت
سألت نفسي يارب مافيه معهم ابناء يعني الشيبه هذا والعجوز مافيه معاهم عيال
اكيد معهم عيال او احفاد ياالله ماتت الرحمه من قلوب الابناء
رجعت البيت وكنت مررررررره تعبانه من اللي شفته ماراح المنظر من بالي ولا راح يروح
جلست مع الوالد سألته فيه اولاد مايحسون ياابويه فيه ناس متبريين من اهلهم
قال لي
احنا يابنتي في اخر الزمن راح كل شي الا ماشاء الله يعني خلاص احنا باخر المطاف نجري وراء اشياء وننسى اشياء مهمه ننسى الاب والام
لو كل واحد مننا يعطي ابوه او امه هديه كل شهر او شي من راتبه اذا كان موظف وربي راح يبارك له ربي بكل شي وما يقدر له الا كل خير وصدقوني ماراح يحس بالضيقه ابد حبيت اذكركم ونفسي بالاباء والامهات هم طريقنا للجنه رضى الله من رضاهم
بقلمي (الخزامى)
|
 |
رد مع اقتباس
