أفا يا قلبي الطيب أفا وشلون ترضاها !

[قلب الوفا]

دخيل الله ياقلبي أنا طالبك تعفيني
أنا طالبك تنساااااني ولو مره تخليني


أعيش بدنيتي وأهنا مثل باقي البشر سالي
بدون الحب ياقلبي وبدون هموم تكويني

أنا ماعاد فيني روح تبيها تتبعك ثاني
انا فيني جسد باقي بدون شعور يحويني

على كثر القلوب اللي هوينا ماصدق واحد !!
ياقلبي ابتعد عنهم ترى اللي فيني كافيني

زرعْت الحب فأعماقي وحصدْت جروح تاليها ؟؟
وردى هالحظ خاواني ولقى كل مايبي فيني
كثير أحباب حبينا وعطيناهم بدون حساب
ولاخذنا سوى غدر ٍملا راحات كفيني؟؟

وكثير أسباب تجبرنا بلاحسوفه نخليهم
لأن والله مافيهم ولا واحد ملا عيني

ولكن أكبر الصدمات جتني من يدين اللي
حسبته غير كل الناس ومايعنيه يعنيني

هذاك اللي تصورته طموح العمر ياقلبي
هذاك اللي تخيلته هناي وضحكة سنيني

عطيته من دفا روحي قصايد أشعلت ليله
وأنا ما أكتب لغيره ولا أي شخص يغريني

كتبت أحلى كلام الحب في عينه ولافكرت
يجي اليوم اللي أستخسر قصيدي في محبيني

على مبدا (الخصوصيه) يحاول يبعد شكوكي
وعلى مبدا (الصراحه) كنت وكانت لعبته فيني

خذلني للأسف والله وهدم كل مابنا بلحظه
وطلع هالحب مايسوى مواطي تراب رجليني

أنا كنت أحسبه أعظم علاقاتي ولاظنيت
بأن أعظم علاقاتي بخيانةحب تنهيني !!

ويـمّـي صاحبي دايم يذكّرني بوهم حبي
وأقول ارتاح ياعمري ترى مالك شغل فيني

خسرت أصحابي من حولي خسرت الكلب أسبابه
ألا حسبي عليه الله كثر ماهو معنّيني

أفااااا ياقلبي الطيب...أفا وشلون ترضاها
وأنا من صدمة ٍبالحب إلى صدمه توديني

بدون عناد اسمعني ولاتفتح لي الموضوع
حشا لو تفتحه ثاني لأشيلك من شراييني

خلاص الحين انساهم وأناماعاد فيني حيل
لهم رب ٍيجازيهم/ ولي ربٍي جازيني



\


|


/




آتمنىـآ أن تعجبكم القصيدهـ

[خزامى]

رووووووووووووعه القصيده وقويه وا ضيف عليها بعض الابيات


بلمك وأنثرك وأجمعك وأرجع وأنثرك بهمال
بخونك وأزعلك وأرضيك وأزعل منك وأرضالك
أبرسم بالثرى وجهك وأبدفن صورتك برمال
أبشكي للعرب فرقاك وأضحك عند عذالك

أبهديك الوصال فراق وأهديك الفراق وصال
بسوي مثل ما أشوفك تسوي وأفعل أفعالك
عشان تعرف من فينا الزعول ومن وسيع البال
أبيك تذوق فنجالي وأنا بذوق فنجالك

نصيحه وأحتفظ فيها قصر معك الزمن أو طال
أبي تسمع كلامي زين وتحطه على بالك
إذا حبك هبال أطفال فلك عندي هبال أطفال
ولا وأبشر بعد بهبال حب مهو بهبالك

وإذا قصدك تهين إسمي عشان تشمت العذال
حشى لا أنت ولا غيرك ولا عشرة من أشكالك

تقبلي مروري ودمتي بحفظ الرحمن