حنين الأمــس

["فلة"]

شاعر أنا ياحنين الأمس محتاجك
أبغاك لامن طرقت الباب .. تفتح لي !


مشتاق والله كثير لراحة إزعاجك
مشتاق أحسّك مثل ماكنت تفرح لي


ماتذكر الحلم يوم ينام بـ ادراجك
تعال فسّر غيابه ليه !؟ واشرح لي !


مشتاق أداعب بحرك وألمس امواجك
مشتاق ألامس عميقك وانت تسبح لي


تعال واشعل بصمتي كلمة سراجك
تعال لكن إذا ماجيت لك ... رح لي !!


ماجيت أجمّع جروحي قاصد احراجك
جيتك أببكي وابيك الحين تسمح لي !!


بـ بكي على الناس والإحساس لاماجك
بـ بكي على الموت يوم إنه يلمّح لي !!


بـ بكي على الجوع والموجوع لاداجك
بـ بكي على الكون والمدفون في وحلي !!


بـ بكي على الروح والمجروح لا هاجك
بـ بكي على الحب يوم الحب لوّح لي !!


ياخطوة الحلم نامي وسط ديباجك !
وإلا اتركيني .. وخليّ الدرب .. وارتحلي !!


الموت لامن بكيت وجيت .. محتاجك !
وطرقت بابك .. ولابه ناس .. تفتح لي !!
..

... فله...

[نقاء الروح]

رائع ما اخترتي أختي فله
هذي القصيدة للشاعر / براكات الشمري
لكن اعتقد ان مكانها منتدى االفنون الأدبية المنقولة
تقبلي تحياتي,,,

["فلة"]

اهلين فيك الشاعر براكات الشمري شاعر مبدع تحياني لك