المشاركة الأصلية كتبت بواسطة وصايف تهامية
هات يا وقت بعضك لو يمينك بخيل
اجمع آخر زماني بـ اوسطه بـ اوله
شف معي كم بقالي و لا تقدم دليل
اكذب و قول باقي في مداك ...اطوله
سبع يا لسبع جاتك قبل يوم الرحيل
ليه ؟ مدري و لكن شوفها مقبله
سبعة أعوام عدت ..يا رداة الحصيل
لا عرفنا و لا احنا .. حظنا .. نجهله
لكن الوهم نبّش في رفات القتيل
باخر العام و احيا سالف المهزله
(عام) ثاني ... و لكن ما يسوي جميل
عاشقك ( يوم ) ثاني بالجفا ... يقتله
سبع مرَّت و كانت تشبه المستحيل
شهدها ثوب عاري يستر الحنظله
سبع مرت خفيفه في زمان(ن) ثقيل
كان قلبك بيصدق في الجواب اسأله :
كم نثرتك رماد(ن) من زرعتك فتيل؟!
و كم بحلمي حصدتك سنبله .. سنبله؟!
سالت الشمس حرقة قبل دمعي يسيل
فوق وجه الليالي و انهت ... المسأله
و احتضار احتفالي في الزمان العليل
عكر الجو كله يوم عشت ... اجمله
كل هذا و لا ادري هو بقالي قليل
أو بقى من عذابك لي سنه مقبله ؟؟!!
كلمات / وصايف تهامية
الأحد / 2/6/1431هـ
__________________
ضوابط المشاركة
رد مع اقتباس