على قد لحافك مد رجليك

[رديمة]

شرايكم بالعنوان :D


وايد من البنات مايقدرون يشترون الماركات العالمية حيرة:

او يكون المكياج اللي عندهم بسيط مايتعدى الروج والكحل

هذي بعض الاقتراحات لعمل المكياج بالاشياء اللي تكون موجودة عندج حتى ولو كانت بسيطة

******

عندج كحل أثمد...أوكاجل وتبين اتزينين فيه عيونج

بللي المرود قبل لاتتكحلين على اساس يعطيج لون اغمج

كحلي عيونج من الداخل ومرري بخط تحت الرموش السفلى إلى الزاوية الخارجية من العين

وبعدين بإصبعج الخنصر حاولي توزيعين الكحل على الجفن العلوي على داخل

..........

واذا كنتِ حابة تحطين ظل وماعندج و عندج روج بلون وردي او مشمشي أي لون ثاني

بإصبعج الخنصر حاولي تاخذين من الروج

وتوزيعين على الجفن العلوي وبعدين تحطين الكحل



.......

تبين تحطين بلاشر أو أحمر الخدود وبعد مش متوفر عندج مسحي بخفة بإصبعج على الروج
ومسحي على الخد بشكل خفيف وإنت مبتسمة على اساس ياخذ شكل حلو

*****

حطيتي روج وماعندج جلوس حق اللمعة
تقدرين تحطين على الروج شوية فازلين أو كريم مرطب
مع تسكير الشفايف وتحريكها على اساس اللمعة تاخذ كل الشفايف


*****

اذا كان عندج بلاشر ... تقدرين تستخدمينه كظل حق العيون

عندج علبة الظلال الملونة

حابة تحطين روج على لون الفستان وماعندج

بعد ماتحطين الروج الموجود عندج

دوري لون من الظل يناسب فستانج وحطيه على الروج





منقول للفائده

[~ الغـلا كـله ~]

رهيب ومايكلف أبد



بصراحه انتى



أشياء رخيصة واكيد نتايجها روعه



اهم شي نرتاح من غلا الماركات العالميه


ومن اليوم باى باى ( باريس قاليرى _ ذا بدى شوب _ أفـون _ مكياجى _ ماكس فاكتر )


يعطيك الف عافيه

[**حلم المحيط**]

والله روعة
اليوم راح اجرب
ومدري بها ولا بجنبها
الله يستر بس
مامن شي شا ياقع
:D

[الإباء]

جوزيت خيرا جدتي الغالية على هذه الحركات


وأنا أقول ذي الحركات ما تعدي من عند جدتي


والحمد الله حفيدتك مربخة


المكياج ما أحبه ولا أدورله إلا في المناسبات الخاصة جدا


فقط لاغير غمضة:


ومافيه أحلى من الشكل الطبيعي


صح؟؟؟؟ غمزة:


ودمتم بخير

[مزوام]

فكرت بعد نصائح الجدة افتح صيدلية متنقله خاصة بأدوية الحساسية وامنفوط :D

[د.ضياء]

ممن خفاع لمعيون شياقع وفي ذمة معجوز

[المعنّى]

امممممممم

شيئ رائع يا رديمه


يقولون عندنا

الحالي حالي حتى لو قام من النوم

ومجيفه جيفه لهو يتكحل كل يوم


ما ينفع لا تخفيف كحل ولا تبليل مرود


مع هذي النصائح برضه عيونهم على جيوبنا يالرجال

خسرونا ( وما يتصلحون الا للأعراس )