بداية قصتي من عند دغبوس لابارك الله فيه .
قبّل دغبوس ياباه كنك دبعني ما صدقت وانته الليله تلتقي الأستاد مابلا يعارني يادغبوس احلق وانته راسك كنه صرحة مارايك أطله ما تخمد امقهوة لقد مسعت راسي ؟
طله يادغبوس عزران يمسعك نظف امقمامة تيه معاك ولكنك ترجل أنا شأقوم أسنه امشفره .
دغبوس:خلاص ياباه طليت .
تراك ترجل ونا بوك .
دغبوس :أنا رجل ياباه أنا دغبوس خالي حنش .
ههههههههه والله ونعم قال خالي حنش واحد يهرب من خياله لكن ترجل يوم ختانه .
دغبوس: إي باه أللل أيّ باه عيوني تشروغن .
قلتولك ترجل عاد وراك حدن
قبلن برمة :
برمة :ماهو يقول بوك يادغبوس أسمعه يقول حنش .
هههههههههه حنش هههههههههههههه حنش هههههههههه حنش ألا ياحنش كلك امنش .
برمة: ياكل روح روحك و أسمعك تضحك وربي لأشل مشملي وما أنتسم لعنده وأخليه يوريك نجوم صفنهار .
دغبوس :وذحين عذبلوا من ابليس ..عبلة .. أمل الجن .. أ م الصنيج .. أ م الصبيان عفاريت سليمان كلها .
برمة :خزى يابني اتسخط وانته اتدبع ذحين تيتي امجن وتلمخك قليل لنته تلعب بحوقك خلاص أنا ماعادني لاطالعة .
دغبوس : ياباه نسيت لأبييك يقلك خالي حنش امزهب حقك فيشوه امرعيان .
الله يهبك صدقة يابن برمة ذحين عادك تبييي أنثح بشفرة البلى وإني حتى وصلت امزهب إلا وهي حشمن و امدوب قديها ا شباعن ترى امضان قديها مربضة وامعجالة امناطحة ومبعران مطاردة وامغبار يلوي تقول كنك في حرب شوعي والغبراء
وترى مرعيان اللي يلعبون المزقرة واللي مهادبه وناس هناك محاداه والغلمات زده مثلهم يلعابه اللي يلعبون الحكم واللي يلعبون الكندي ومجموعة من امحريم على امثله لعابه الزقرط واللي يلعبون المصقة مفتهنين امقوم .
حدّ يصبر على ذي الشغل ..شلني الحر وإني أصكع واحد في طرف رجله صكعة بسيطة حتى امجاهل مايقول منها ألل ومذحين ياناركلي حطبك لاحيوني ولاماتوني اللي يرفس واللي يلطم واللي يجفر حتى امفنينة حقي خلسوها كان الواحد يرفع إيدي لفق ويحطة من هذا الزغف
في إبطي وينزل إيدي لتحت وامحريم ماقصروا اللي تقبص واللي تقضم فاشوني فيش لحقوبي بمزهب ..لأنا قد ريته حنش خال دغبوس من بعيييييييد ..وهات من هاتي الصواعق واوه وااااااوه ياحنش يبكي: غير عليه نخملوني والله ما عاد معاية عظم مع امثاني .
أتى حنش أيهاالرعيان وأنتن أيتها الراعيات كفوا عن فعلكم هذا أتعقرون رجلا وتفيشون زهبه هبا كل واحد يسوق دوبه وينصرف وأنت ياعقش كفّ النواح ..والله ما قصر حنش فرع عليه جزاه الله ألف خير ..أعود أقوم أدور ورى امفنينة تربن بين امتراب ماصدقت و أنا ألقاها أنفظها وأتلايط بها على ديمي
لكنه يشفشف بلهول من امزغف ..تفرقوا امرعيان كل واحد ساق دوبه ولكان الله معاه .
أعود أزهم ياحنش وووووحنش قد تجملت فرعت عليه عادك تجمل خرجني حتى اجنب بمرعيان عادهم هيغمسني .
حنش : روح رياح ماعليك ولاشيء أنا أشبحك عادني شأنشر أقفرا مذاري حقي قبل امسمس ماتغرب مامن خوف فيك والله أعرفك وكان ما شأجوزك على برمة لكنها عيني ومزقن في إيدي امحبال وصممن إلاعقش لكنها حضرن الليله وترى بعينها .
وذحين لاتفضحنا هأروح وعن تاك القهدة ياقهدة حتى انتن حاربتن بين .
امقهدة : أنا ياعم عقش واقفه كان ما أعرف أحارب حتى لو أنا أعرف خيفه على علقتي تفلت وبعدين من ينجي عليه من امي وهرجها عسى ما سويتن ياخيزران حتى امعلقه نكعن أنه أبوك تيه تربيتي لكن هبلك امك قليل وشلن امخباط .
والله لكن لحاربتن وامعلقه هتصلح وبعدين اسمك خيزران اسمك زخمن مثلك مدري كيف قابل ؟ أعرف احريمن أساميهن مغشرة وهم قمايمن وبوك مااسمه وكيف عرفتني تقولين ياعم عقش ؟
خيزران : ياوه ياعم عقش اسمي خيزران بت حنفوس بن جعل وعرفتوك بيني بت خالي تقول فيه رجلن كل ليله يييتي عند بويه يتهرج معاه اسمه عقش مايروح لكفة امرجل .
هههههههههه بوك اسمه حنفوس وبوه اسمه جعل وسماك خيزران ههههههههههههههههه قابلن .
خيزران : عسى ياعم عقش تحسب بويه سماني خيزران .
هامن ؟
خيزران : والله ياعم عقش سمني امي .
كيف يمكن حصلن نُبّه وهي راقده ..قومي ياحرمة حنفوس ترين شتحصلين قهده ولكنك سميها خيزران آمن حلى في بعض النبه .
خيزران :هههه قلك حصلن نُبّه قل حصلن دبغن من امها سمعتوها وهي تعالم على خالتي شريفا ترني مضيت حلفتي كان امي ربي يرحمها مايمر يوم إلا وهي قد حمسن ديمي بزربه قُصيب شجر امقصيب اللي يهبون منه امخوزران وتقول حرام من قصتي ماتجوزتن وأنا أقول لها اضربي لما تشبعين إنشاء الله لأجوز وانتلد ولحصلت قهده ما اسميها لخيزران.
هههههههههه قلتن كل يوم امها تحمس لهاديمها كنّها تفلت علقتها كل يوم .. هيا ياخيزران احفظي سيدي علقتك ترين امنعجة تربض في محل ماتربض امها وترني الليلة معايه نفسن هأيتي أتهرج مع بوك ولعاد تقولين ياعم اسحبيني برجلي عقش وبس حتى لنتن تشين تقولين ياجني عقش مقبوله ترين بت جيراكن كذيه كلما أقبل ياباه والله ذي عمي عقش
قبّل وبوها يقول لها اشربي عمك عقش ناولي عمك عقش امفنجان وإن مره طلعن تخرجني من امكلبه حقهن قلتولها ترين لعاد تقولين ياعم عقش قولي ياعقش امحرمه فهمنها وامتواسيه ولكن فرق كبير بين عدنه وخيزران الليلة أشى عندكم بس قولي عقش .
خيزران :هههههههههههه هقل تشاني أقول ياعقش تشاني أتواسى ..عسى قديك متواسي سيدروحي هههههههه لعاد تويسينا هياسيدي أنا مخطوبة لبن عمي وقديه شيتوصل والله يراك يتلكح بمبيت معاك لخطبة مايشلنك لنعشن نمس نفسك تهديد: وألزم على حناك يحنا ولاماشي رح لعدنه .
جني جحفان مهش اللي معانا في امنتدى والله أنا قلت في نفسي ياذي الزين مهو على حاله صحت مخطوبه لبن عمك ريت والله برق امصحا مهش اللي معانا في امنتدى امبرق اللي بعد امطر من لمخه يخليه لعزمين في كمن مزوام مهش مزوام اللي معانا في امنتدي أنا ما أدري لمه الوحدة لقد معاها بن عم خلاص قديها محجوزة له حتى لو أنه مايعرف يقاقي مقديه لمثل امديوكة واحسن قليل
هيا ياخيزران معاد لقبول وسلميلي على بوك حنفوس وجدك جعل وانتبهي لعلقتك لتفلت ولمات بن عمك سدري لي مع امرعيان لالالا لاتسدرين مع امرعيان ترنهم مايوصلون سدري مع امساوقه ..الليلة أبيت أغشرم بفعل امرعيان إنشاالله أغشرم بخيزران. ابتسامة:
يلا طلعوا لي ا مشبرية في طرف طرف امقبل وهبولي سخوفن وملقاطن ومسلة ترون روحي منعنعة وانته يادغبوس عيني لتراك بره بدبعتك كذيه احمد الله وأنا بديت بمحنقفه بره بره الله عليك هتلقى الناس باسل حالقين مثل حلاقتك ماحد لامستنكرك .
أحس معاية سومة مدري عومة وهذى نومة خاااااااااااااااخ خيييييييييخ خوووووووووووووخ واااااااااااو ياحنش
ورقدته .
|
 |
رد مع اقتباس
المشاركة الأصلية كتبت بواسطة مزوام
