خبروه الشمس غابت عن حياتي للنهاية
خبروه الموت جاني وابتدى وقت الرحيل
من ثلاث اشهور قلبي يشتكي جور العناية
امنعوا عن الزيارة والحبايب والخليل
بين اسلاك ومغذي وحـآلتي صارت حكاية
لبسوني الثوب الابيض كنه لموتي دليل
مادروا اني مشاعر بعدها بطور البدايه
همهم عد الدقايق والامل دايم بخيل
ملت دموعي خدودي والمرض يعشق بكايه
ومالقيت اللي يواسي دمعة الشخص العليل
وينهم احباب قلبي خاطري انهم معايه
ليتهم فيني يحسوا بعدهم حالي ذليل
اخذلوني واتركوني اشتكي لاربع زواية
ومن يلوم اللي تغير اسمه وصار النزيل
لاذكرت ايام فيهم انكسر مثل المرايه
والشظايا جروح تنعي ذلك الوقت الجميل
كان ضحكي لامزحنا مايبي كلمة كفاية
والعطى لا من عطينا مايبي الشكر الجزيل
كان لاخاصمت واحد همهم والله رضايه
مايطيقوا البعد عني والزعل ماله شليل
كان قلبي لا تأخر القى لغيابه عصايه
وتدري ياخالد غيابك يوجع القلب ويعيل
أجمل ايامي معاهم راحت وزادت عنايه
والممرات الكئيبه زادت الهم الثقيل
والجفى منهم جعلني انتظر موتي عسايه
القى في موتي سعادة ملها الصبر الطويل
مما راق
|
 |
رد مع اقتباس
المشاركة الأصلية كتبت بواسطة أبو فهد
