حبيبي ابتعد وارحل , وتلقى للعشق اوطان
.......................... ولا تذكر عناويني ,,, ولا تبـكي على افراقـي

تعبت اعانق الغربه .. .. وادوّر للفرح عنوآن
......................... وآجمّع هالشتآت اللي سكن في داخل اشوآقي

تعبت امسّح الدمعه , واعانق موطن الاحزان
....................... واجامل ضحكتي للناس , وحزني ساكن اعماقي

وانادي قلبي الدامي , واعّلم جرحي النسيان
..................... وانادي للفرح ( تكفى) , , , تعال ولملم الباقـي

واموّت طاري الذكرى , واقفّل للحزن بيبان
................... وآسكّت حبري السآيل ,, و اشتت جمـعة آورآقـي

واجدد للعمر صفحه , وآغني ب الفرح طربان
................ وآصفق ( للزمن ) انسـى ,, من اللي سبّب آرهآقي

حبيبي عانق الفرقا , ولا بتلقى مثيلي انسان
............... حبيبي , افتكر , وآذكر , (مصيرك ) تعرف افراقي