الجرح أرحم..إذا يرجع من أغليته~.~

[نقاء الروح]

الي بقى لي مع الأيام ..وفٌيته
والضيق لو ينهمر تشربه ودياني
ماهي كبيره علي والحزن غنيته
ولاهي غريبه اذا وقتي تحداني
كم جرح خذته من الاحباب..ضميته
وجروح قلبي زكاه لحب خلاني
مطعون؟عادي ,جفا الاقارب؟داويته
تعبان؟ حدي ,ردي هالحظ؟ خاواني
صدمه؟بسيطه ,هوان الحال؟مريته
مقرود؟ أدري , واذا حرمان؟عداني
مافاح هم لك والله ما تقهويته
و مامر حزن بغيري ما تبلاني
ياما وياما من الخذلان ..عديته
إلا بصاحب ..بعد العشره تناساني
ازريت لأنسى غيابه لين ناديته
والموت لامن تجاهلني وجافاني
وينه يجيني ..وكل عتاب كنيته
ياليت يدري بعد فرقاه وش جاني
من كنت طفل وانا أرجاه في بيته
شيبت..واثره على هالحال خلاني
حتى جناح العتب لرضاه ذليته
ماطرت بعده فرح من ذل جنحاني
ياقلب صبرك..ترى كل شي سويته
ماكان افضل من اللي كان بإمكاني
لو بي قوه على الهجران؟خليته
لوبي ذره من النكران؟يفداني
الجرح أرحم..اذا يرجع من أغليته
مجروح ؟ فدوه..ولكن صعب وحداني
الشاعر عبدالله الظفيري

[روح الخاطر]

تسلم إيدك ... مررررررررة روعة ..

لك الشكر ..

[عنوان المحبه]

نوني القصيده هذي من اجمل واحب القصائد على قلبي

يعطيك العوافي على الطرح يالغلا

[نقاء الروح]

اشكر لكم تواجدكم
اسعدتموني

[قولدن بوي]

قصيده رائعه

عزيزتي نوني

دائما متالقه

لا عدمناك

دمتي بسعادهـ

[نقاء الروح]

اشكر لك تواجدك الاكثر من رائع
يعطيك العافيه