ياعين من حطيت عيني بعينه
وابطيت واقف في بحرعينه اموج
وابحرت في عينه بلياسفينه
وسجيت فيهالين ضيعني الموج
حاولت الد الشوف عما يهينه
ولاانتبهت الاوانا فيه ملبوج
شفت الفتن في ملتقى حاجبينه
والسحر في عينه مع الزين مدموج
اسودسواده لابسته السكينه
وابيض بياضه طايش اللون مرجوج
زاهيه طرف حاجز دمعتينه
لولاه كان الخدبالكحل ممزوج
كاسيه رمش زاد ملحه وزينه
من فوق متكحل ومن تحت مدعوج
بين الرموش السود شفت الغبينه
واللي رامه الرمش ماعدله بوج
مرت ثواني من حياتي ثمينه
وانا اتهادى بين الاشواق وادوج
مرت واناقابض على راحتينه
واقف مقابل له وساهي ومدلوج
مدري وش اللي صار بيني وبينه
والقلب ماردنه ضلوعي العوج
والاانتبهت الابسحبة يدينه
قال انت تبغى الناس تلحقني هروج
قلت اعذراللي شافك الله يعينه
يبطي ودمعه بعدفرقاك مزعوج
عينك بنظرات الغلامستهينه
قال الغلافي داخل القلب منسوج
قلت الوعدقال ايه كلش بحينه
الله يفتح لك من الضيقه فجوج
قلت اه طيب شفلي الدرب وينه
قال انتبه باقي على شفتك روج
|
 |
رد مع اقتباس
