أي الألوان تفضل في غرف النوم ؟ وما لون غرفتكـ ؟
احب اللون البني للغرفه لون غرفتي بني مع ابيض
هل تفضل ان تكون غرفتك متدرجة اللون للون واحد/ أم عدة الوان ؟
انا مااحب الالوان الكثيره يعجبني اللون الواحد
هل تستخدم اضاءه جانبيه [اباجوره ] وماهو لونها ان وجد؟
ايوه لاني اقرا قبل انام ومااحب يكون الضوء قوي وقت مااقرا
وعندي بغرفتي مكتبه صغيره علشان كذا استخدم اضاءه جانبيه
هل للشموع مكان في مملكتك [ غرفتك النوم]؟
لا
أهم شي لازم يتواجد في الغرفة في نظركـ ؟
انا بالنسبه لي عندي مكتبه صغيره بغرفتي
شي في غرفتكـ ومو عآجبكـ ؟ شي تتمنى يكون موجود ؟
كل شي انا سويته بذوقي في غرفتي يعني كل شي فيها عاجبني
ايش موجود فوق الدولاب , وتحت السرير ؟
فوق الدولاب موجود شنطة ملابس لمن اسافر احط فيها ملابسي
وتحت السرير موجود (جالكسي -بطاطس-عصيرات -كيك )شغل عزابيه
لون ستارة غرفتكـ ؟
بني
ماهو ستايل غرفتك / مودرن أم كلاسيك ؟
والله ياجوري لمن رحت اشتري الغرفه عجبني شكلها وماسالت عن نوعها المره الجايه اسأل
تفضّل السيراميكـ ولا فرش في غرف النوم ؟ وغرفتكـ سيراميك ولا لاء؟
احب السيراميك وغرفتي سيراميك
كم دِرج في الغرفة ؟
9ادراج
هل للالعاب القطنيه والدمى وجود بغرفتك [ دباديب] ؟
كثييييييييير مو دباديب لا احب الالعاب حق ام خماس وعندي كلهم
أكثر شي تحبه في غرفتكـ ؟
سريري
تحب تقضي معظم أوقاتكـ في الغرفة ؟ ولماذا ؟
تقريبا غرفتي هي مملكتي لاني ماعندي احد غير الوالد الله يحفظه واخواني كلهم في بيوتهم يعني غرفتي فيها مكتبي ومكتبتي وحتى ثلاجتي الصغيره حق الايسكريمات والغلايه يعني غرفتي باختصار اكبر غرفه بالبيت لان اكثر وقتي فيها
ترتب سريركـ لما تصحى من النوم ؟
لا قبل انام ارتبه
دولاب ملآبسكـ مرتب ولآ نص نص ؟
والله ياجوري دولابي تقريبا مو مرتب افكر ارتبه
الأشياء اللي مآ تستخدمهآ إلا نآدرا وين تحطهآ ؟
ارميها مااحب احتفظ بشي مااستخدمه كثير
تغيّير أماكن الأشياء بين وقت وآخر ؟
لا احب غرفتي مثل ماهي
أقدم شي تحتفظ فيه بغرفتك هو ؟
اشياءخاصه بالوالده الله يرحمها
جيب لنآ صورة غرفة نوم عجبــــتكـ , ولو تجيب صورة غرفتكـ بعد
يكون أحلى <<<
بجيب لكم صورة غرفه تشبه لها
طبعا ياجوري السرير هو نفسه ودوبه جديد غيرته بعد زواج اختي بس مااقدر اصور لك الثلاجه والمكتبه بس السرير هذا نفس سريري استبدلي الدولاب الصغير بالثلاجه وطبعا من غير كذب الغرفه تختلف لانها مافيها الحركه اللي بجنب السرير بدالها النافذه
وتسلمي اختي على الاستضافه وربي يسعدك وان شاء الله نشوفك متألقه دائما
المفتاح مدري وين وديته عجبني الموضوع رووعه بس راح اسلمه
لصفحه رقم 6 اذا باقي ماحطت غرفتها هنا
|
 |
رد مع اقتباس