معقول باقي من الشهر 6 أيام ...؟؟
معقول راحت منه 24 ليلة .....؟؟
شفتوا أجل مرت بنا مثل الأحلام
مامن جديد وكلّـن يعيش جيله
اللي معانا العام هـ العام ما صــام
منهو ضمن مستقبله وش يجيله ...؟؟
...!في جيلنا مادامت لـ جيش صدّام
وفي جيلهم وين أبرهة وين فيله .....؟؟
!....كذا الحياة تمرّ عام ٍ ورى عام
!!....كم فرّقت بين الخليل وخليله
...شف الليالي كم تقضـّـت بـ الأعوام
!!...وحنـّـا نقول أن الليالي طويله
ياهوه صحصح عندنا لك خبر هام
نصّ الأماني في الحقيقة قتيــله
!!دنياك هذي حزن وجروح وأوهام ..
ومالك على دنياك مكر ٍ .. وحيـله.!!
كم واحدِِ ودّع حبيبه وسط خام ..
وعلى حبيبه حدّر الدمع سيله..!!
بكى فراقه مرّت أيام ما نام ...!!
بكى وروحه من فراقه عليـــله !!
لكن نسى إنه كذا بعد أيام ...
نفس الأيادي يمّ قبره تشيــله
يارب عفوك قبل تلتف الأقـدام
يوم الخليل يخون عشرة خليله
ويارب ثبـّتنا على دين الإسلام ..
واللي خذاه الطيش تهدي سبيــله !!
أقولها والعمر لو طال مادام
وإعرف سنين العمر ياخي قليله !!
والحين باقي من الشهر 6 أيام
طالبك عوّض فيه 24 ليله ...!
|
 |
المشاركة الأصلية كتبت بواسطة حاكم العشاق
