احساااس وقصيده وصــوره

[قلبها وطن]

يمه تعبت اركض عبث في عالمٍ كله جحود
اطرد ورا حلمٍ بعيد اشقيت نفسي في رجاه

يمه احسب ان البشر مثلك حنان بلا حدود
وان الزمن صدرٍ حنون يضمني لاقلت آه

يمه انا في داخلي يسكن طفل هادي ودود
انتي حياته كلها ودنيته وارضه وسماه

يمه تعبت ارسم امل يمه تعبت ارسم ورود
يمه ازعجني الطفل في داخلي اسمع بكاه

يمه تعبت بدنيتي ..دنيا ملامحها برود
دنيا تسير بلا هدف متشتته بكل اتجاه

يمه همومي كايده تعزف على لحن البحور
يمه انا صوره لحزن طال الزمان وما نساه

يمه انا عنوان قصه مالها اية وجود
يمه انا جرح المكابر اللي يموت وما شكاه

يمه انا هذا انا تكفين دمعك لايزود
يمه دموعك غاليه والكون مايسوى حصاه


آهـ يمهـ

[نقاء الروح]

قساة الكون في عيني وقلبي ما إهتنى وما إلتـم
قسى هالوقــــــت يـا قلبـي وضيَّـع كـــــل راحاتـي


جروحي فوق طاقاتي بكيـت وفـي عيونـي دم
رضيت آنا على القسوه وضاعت كـل بسماتـي


تعبتْ / وما صِدَقْ حَظي وفوق الهم أشيل الهـم
صغيرٍ في العمر آنــــــا وكبيـره حيـــــل مأساتـي

محدْ يدري عن أخباري محد في دنيتـي مهتـم
وحيدْ أمشي مع همِّي وكبيرْ الحزْن فـي ذاتـي


سِمَعْ قلبي عَنْ الراحَه واهيَّه مِنْ الوهـم أوهـم
أعيشْ آنا بوسط واقــــعْ نهاياتـي فـي بداياتـي

ياليت تفيدني الحسره ياليت أرتـاح لـو أنـدم
صعبْ أرتاح فـــي الدنيـا حزيـنْ بكـلْ حالاتـي


سفينه مِنْ الصعب ترسى واهي مِنْ الموجْ تتحطم
أشوف البحر فـــــي عــــيني لقيـت المـوجْ دمعاتـي


كثير قلوب غرقانه واهي منْ الوقتْ مـا تسلـم
بحر هالوقت هَمْ يغـــدر وهـذا معنـى كلماتـي


يا قلبي الطِيبْ ما ينْفَـعْ عشانـي ركِّـزْ وإفهـم
أنا ملِّيـتْ أعلِّـم فِيــــــكْ وإنـتَ تزيـــدْ آهاتــــي


أمانه كان لِي خاطـر مِـنْ اللِّـي صـار تتعلـم
ويا قلبي إتـرك الطيبـه بعـد قــصـة مُعاناتـي

["فلة"]

ياعيد لا' تسأل علامي حزينه
غض النظر كانك تجملت ياعيد
ارفق بقلبن ذاق باول سنينه
مر الفراق ولوعته و التناهيد
ياعيد يكفي لا تزيد الغبينه
من وكلك قهر القلوب المشاريد
ياكيف انا افرح والحزن فارضينه
كل ماتسهل لده الحظ تلديد
ياعيد انا بك لو تحليت شينه
معذورقلبي لو تقيد بهالقيد
ياعيد كل الناس تنطرك عينه
لاجل التهاني تبدع القاف وتزيد
كل الخلايق لك تزايد حنينه
وانا حنيني يم طلق الاجاويد
لاتسأل الفستان يا عيد وينه
ماعندي الا صفقة إيد ٍ على إيد
كانك تحسب العيد فاشن وزينه
فانا فقيرة لبس وفستاني اعيد
شعري جدلته والكحل هاجرينه
مانلبس اللولو ولا'يلمس الجيد
ماهوب قل' المال عندي خزينه
المال ماداوى النفوس الملاهيد
عندي حلاة العيد خل وضنينه
في غفلة العذآل ونوم المقاريد
ابوس راسه وبكفوفي يمينه
خلي وغيره لو تحآما فلا اريد
بسقيه كيف الود غالي ثمينه
والعود فاح وغرد القلب تغريد
من ربشتي خلخالي يسمع رنينه
واخجل لياقال انت يافتنة الغيد
يطلبني نظره يكتحل بي بعينه
وان سلهمت عيني فلآ عنّه تحيد
طبعي غنج لا شك بيني وبينه
واشيل اناوياه جزل الآ ناشيد
ياعيد لاتسأل علامي حزينه ؟!
وشلون بفرح والفرح غادر بعيد !!

[قلبها وطن]

يا دمع عيني خف جرحت عيني

والعين تبكي خوف تفقد بصرها

كف ياااااااااا دمع ما ودي اتجيني

بنسى عسى نفسي تدارى خطرها

ودي الصبر والوقت يرحم أنيني

والنفس من ذا الصبر تجني ثمرها

يا دمع عيني جرحت عيني

والعين تبكي آآآآه تفقد بصرها

يا غير صبري مل والله يعيني

والروح تبكي ضايقه من صبرها

هو صاحبي كفى ودمر سنيني

كان الامل كان لحياتي عمرها

كان الوفاء والشوق يموت فيني

هو دنيتي ملهم عيوني نظرها

هو غايتي هو راحتي هو ضنيني

هو مهجتي بالحب نفسي غمرها

يا حيف وقت حان بينه وبيني

وتبدلت الاحلام لحظة سفرها

والي انكتب وان صار وسط الجبيني

لابد هالايام تكشف خبرها

يا دمع عيني
..................خف جرحت عيني

والعين تبكي خوف تفقد بصرها

[قولدن بوي]

قلبي قسمته ياهوى البال بالنص
نصفه بجوفي وأنت بيديك نصه
لا غبت عنييبتدي الحال ينقص
وأسهر وتبدالي مع الأحزان قصه
ياليتني في لجنةالتعليم مختص
والله لحط لمنهج الحب حصه

[قولدن بوي]

حبيبي والوفا كفه يجيب

الغيم جـلاسه
حبيبيوالشفق يبكي لعيون

تامر وتنهيه
فديت ارض بهـامآطى خطاوي

كنها الماسه
فديت أول وفا وآخر حبيب

دنيتي تفديه

[قلبها وطن]

محتاج لك بأدفّـي يدينـي مـن ملامـس يديـك
هالثانيه بالضبـط مـا أظـن الشعـور يفوتهـا


عندي قصيده ودّها من خالص إحساسـي تجيـك
حتى معانيهـا تبـي تاصلـك .. قبـل بيوتهـا


قصيـدةٍ يرجـع سبـب تركيبهـا منّـك وإليـك
وانت تعرفهـا مـن ملامحهـا وبحّـة صوتهـا


ياللي بديتك شوق كيف أشـواق قلبـي تنتهيـك
وأحـلام عمـري لا فقدتـك ترجـع لتابوتـهـا


إي والله أحبّك ولا زلت أعشق وصالـك وأبيـك
وفي خاطري لك هيبة ملـوك العـرب ببشوتهـا


لا جيت أبشكي لك رجعت وقلت وشلون أشتكيك !
وأسكت لو إن جروح قلبي مـا تطيـق سكوتهـا


كم لي وأنا أنادي عليك آمال عمـري وأحتريـك
وكم لك تجيب أعذار من زرق البحـور وحوتهـا


مع كل هذا .. والله إنـي مشتريـك وبأشتريـك
وأحسد عليك أهل الأرض وجوّهـا وبيوتهـا


لا تكثر ظنوني عليّ .. وتكثـر ظنونـك عليـك
نفسي فراقك ضيـم حالتهـا .. وقربـك قوتهـا

أموت لك \ أموت منك \ أموت معك \ أموت فيك
ضع خط .. تحت الموته اللي تعجبـك وأموتهـا

[قولدن بوي]

اضحك وفيني للمواجع مقابر
ابكي وضحكي "ذنب " والدمع تكفير
اكتب ودمعي صار حبر المحابر
و " يخون في صدري " للأوجاع تعبير

[شـــ المشاعرــــوق]

[نقاء الروح]

غلطاتك أكبر من سطورك لو أقراك
وصبرت لين الصبر فجّر سكاتي
كم جرح أثر بي تألم وناداك
ويقول لك بالله هذي جزاتي!


واصل طريقك وإتبع دروب ممشاك
وإنسى إني بيوم وهبتك غلاتي
وأنا بأعيش العمر من بعد ما أنساك
وأبقى مع حزني وبآقي صفآتي

[خزامى]

صدمات عمري زودتني قناعهـ

كل شي احبهـ../اتوقع ضياعه!!

[قلبها وطن]

((..::.. بيني وبين البحر..::..))
كذب وزور قولهم لك غادر لا تظلموا بحرا بلا إبحار
ما بال أقوام رضوا وان يصبحوا بوقا يردد دونما استشعار
يا بحر إني أستميحك سيدي فاقبل بلطف هادئ أعذاري
البحر أرسل موجة منسابة ويحفها سرب من الأطيار
مدت ذراعيها بكل محبة قالت تقدم لا تخف إخطاري
البحر يطلبكم لتحيى بيننا ياشاعرا أنصفت بالإشعار
رافقت موجته بكل سعادة والطير يعزف دونما أوتار
موجاته سالت رفيقة رحلتي أ تصادقي بشرا بغير قرار؟
البحر ينهى أن نصادق مثلهم فلتغرقيه بحجة الأقدار
قالت لهم فلتهدؤوا يا إخوتي من بحرنا كلفت بالإحضار
هذا الصديق هو المنافح عنكمُ بالشعر في جهر وفي إسرار
فلتتركونا كي نواصل سيرنا فالبحر يطلبه بلا إنظار
مضت المسيرة في ضيافة موجة ووصلت للبحر العظيم الضاري
صافحته بحرارة متلهفا إني أريد تعلم الأسرار
فبدا حزينا قال لي بمرارة فلتسترح و لتستمع أخباري
في داخلي رزق لكم متكامل فلتأخذوه وتشكروا للباري
إن الهموم تساقطت منكم على أرضي بلا إذن ولا إخبار
زاد التمادي منكمُ فبدأتموا تلقوا إلي بأنجس الأقذار
وبدأتموا وصفي بأبشع قولكم ألبستموني بردة الغدار
أو ما كفاكم من يموت بداخلي فهو الشهيد مقولة المختار
الشمس تهوي في غروب داخلي وتبات في امن وفي استقرار
حتى إذا فاقت وحان شروقها صعدت لتعلن حالة استنفار
يا سيدي بلغ رسالة قومنا لا تجعلونا موطن الأشرار
إنا نكن لكم عظيم محبة في الصبح نذكركم وبالأسحار
أطرقت راسي سارحا بكلامه وغرقت في بحر من الأفكار
وهمست في نفسي نعم هو صادق وحزمت أمري واتخذت قراري
منا لكم عهد السلام موثق في الخير نصحبكم وفي الأضرار
..::.. مما راق لي ..::..

[قلبها وطن]

" أعَذِريُنيْ ايتها الحياه صُرِتّ أفِهمْ "
وصَارْ عُمِريْ فِي حَياةٍ الجُدِ .. كُلَ شِيْء فِيُه يَنظرْ "
صُرِتْ أكَبرْ .. أتِنكَرْ .. أِتدَبرْ ..
[ .. صُرِتْ آفِهَمّ .. ]
أنْ فِي حَلِو الحَياةّ صَبرِاً وعَلِقـمْ
[" صُرِتْ أِدُرك"]
أنْ خِلفَالإبَتسِامْ ألِفّ مَعِنىْ بَل وأكَثِر ..
وان خِلفَ صدى الكـلام مَعنِى مُضِخـمْ ;
[ .. صُرِتَ أعَلِمّ ..]
أنْ الحَياةّ سَلِسَلةِ منْ انِعكاسَاتِ المَرايّا..
لآ تِعكسْ الأِضوَاءْ حسَبّ بَل وَجوهـّ فِي
ثيَآبّ الصِدَق كَانِت تتْسِترَ..
[ .. صُرِتّ أبَصِرْ .. ]
كَلْ مَعنِى قِد تِدثرّ..
["صرت أقراء "]
فِي العَيوَنْ مِكَنوِناً مَا كِانْ يفِهّم ..!!
[ .. صُرِتْ أعِرَف .. ]
منْ أنّ فِي الكَلِمَاتِ لآ
ولآ أرَيدْ وأنّ مِن حَقِي الِرضِآ والِرفضّ أيَضاً ..
صَارِ حُزِنيْ مِنالوَرّيدِ إلى الوَرّيدِ ;
حَسِبيْ أنِيّ صُرِتَ أفِهمّ ..}
لأجَدٍَد الآهَاتِ ..
وآحِتسَي الحُزِن والعَمِيقْ ثِـمْ أنِـدَمْ ؟
[" صُرِتْ أفِهَم "]
وصُارِ وَيلِي لآ يقِدرَ ,
صُرِتْ أبَصِر .. وصُرِتُ أقِرأ
.. فِي العَيونْ ألفِ مَعِنى بَل وأكَثِرّ !!
[ .. صُرِتْ اكَبرّ .. ]
وصَارِ عُمِريّ فِي حِيَاة الجَدِ
كُل شِيء فيْه يَذِكرْ }~
[" صُرِتْ أدِركْ "]
أنْ قِامَوسّ الصَداقِة سَوِفْ ينظِرّ مِن جَديدْ
وأبقِي فيَهِ منْ أرِيدّ وأحُذِف مَنهِ مَا أرِيدْ ومَن أرَيد ..
[..صُرِتْ أحِزنْ ..]
صُرِتْ أبتِسَـمْ الدِمَوعّ ..والِدمَوعّ أتَبسُـمْ ..}
[ صُرِتَ روحاً ]
تحِتضّر فيَهَا المَعِانـيْ والأحَاسَيسَ والصِدَق والمَبجلْ
أتفِكّر .. أتِدبْر.. كُل أمّر .. صَآر ينِظرْ ..!
وهذه الحياه .. نتعلم منها كل
يوم وفهمنا الكثير وادركناه ..
بكينا وتالمنا وندمنا.. وايضا فرحنا وتفائلنا
,, [ .. آعِذرُينِيّ أَيَتهُا الحَياهـّ .. صُرِتْ آفِهمْ .. ] ! ٬٬

[قلبها وطن]

غريبٌ أنا! أم زماني غريبُ ؟! *** وحيّرَ فكري السؤالُ العجيبُ !
غريبٌ ! وكيفَ وكلُّ شعـاعٍ *** سرى في السماء لعيني قريبُ ؟!
غريبٌ ! وكيف وكلّ جمـالٍ *** بهذا الوجـودِ لقلبي حبيبُ ؟!
كيف أكون غريباً وحولي *** حبورٌ، ونورٌ ، ولحنٌ ، وطيـبُ ؟!
وعندي رجاءٌ .. وفوقي سماءٌ *** تُظلُّ ، وشعرٌ ، وفكرٌ خصيب ؟!
وكيف أكون غريباً وشمسي *** أقامت بطول المدى لا تغيبُ ؟!
وكلُّ البرايا معي ساجـداتٌ *** لِـربّي نُلبـّي ... له نستجيبُ
فذرّاتُ هـذا الوجـودِ تلبّي *** وأسمعُـها لو تَشِـفُّ الغيوبُ !
تسبّحُ سـرّاً بغير ذنـوبٍ ! *** أسبِّح جهراً وكُلّي ذنـوبُ !!
غريبٌ أنا ! أم زماني غريبُ ؟! *** يحيّرني ذا السـؤالُ العجيـبُ !
غريبٌ ! وكيف وهذي سبيلي *** وغيري هوى ، ضيَّعَتْهُ الدروبُ ؟!
وكيف ودربي ابتداهُ الرسولُ *** يقود القلوبَ ، فتحيا القلوبُ ؟!
أنا إنْ سجدتُ أناجـي إلهي *** فؤادي يطيبُ ، وروحي تذوبُ
أعيش بظلِّ النجـاوى سعيداً *** فأدعو ، وأدعو ، وربّي يُجيـبُ
وربي قريبٌ ، قريبٌ ، قريبُ *** فكيف يُقـال : بأني غريـبُ ؟

[عنوان المحبه]

( خذني بحضنك)

خذني بحضنك أبغفي يااااه مبطي ماغفيت
وإن لمحت دموع عيني سونفسك مالمحت
خذني بحضنك وفتش في جروحي وإن قضيت
هزلي كتفي وقلي: عيب تبكي لوسمحت
ضمني يمك وضحكني أليامني بكيت
تكفى ودي أذكر كيف كانت ضحكتي لامني فرحت

[عنوان المحبه]

قـول عادي .. بالـــي الليله طويــــل ..
شُوف لِـك عذرٍ قديمٍ / وأقبِلَــــه !!

لا تحاتــي ... قلبـــي مِتعَوِّد يشيــل
( الجُروح ) اللي تجي لـــه مُقبِلَــه


" طيبتـي " صارت مثل( كف البخيل)
أيِّ شَي طايـــح .. تِشُوفـه ؟ تحمِلَه


و " عزِّتـي " تقدر تِسَمِّيها : النخيــل
لأني شامِخ .. والعواصف قاتِلَهـ


وعادي جداً .. إنِّـي الليله ( عليـل ) ..
الحزن : يحْسِبنـي واحد مِنْ هَلَهـ !!


ومو غريبه .. لو تِمَنِّيت الرحيــل
البقاء أحيان , يعنـــي .. البهذلَـه !!


في غيابـك .. ما لَهَا الضيقه مثيــل ..!
وربِّــي اللِّـي .. ما يشاءهـ , يفعلَــه

[قلبها وطن]

إن حكوا فيني بوجهي ... أو حكوا بي من وراي
مالقوا غير البياض اللي قـهـر سود الـظنون

«‏ هيبتي » حتى في غيابي تحشم النفس بقفاي
والله إني مرعـبتهم ´`يزعلون و يقعدون´`

نبشوا ما من خطيه ...! بس أنا آدري بخطاي
عيبي إني .. ما عرفت أساير الغير وأخون

عيبي إني ... ما أمن ولآ أذل أحدٍ بعطاي
وعيبهم آن الذيابه تعجز تدك الحصون
.
.


برجي العاجي بنيته بالشرف حتى هواي
لو بحب أحب لكن ...! ما أزل ولآ أهـون

ما يـديـر الـرآس مدح .. ولا رقصت لكـل ناي
«‏ الـثـقل » ما هو تطبع .. طبع .. والكل يشهدون

لا ذكرت آبـوي وآمي..وعالم الجهر وخفاي
هـــآنـــت الـدنـيـا بـعيني ... لا نـعــيم و يحـزنـون

وش ابي ..! الـكـون كـلـه بـاكر بـيقرا عزآي
إمـا في .. وسط الجرايد .. ولا في دمع الـعيون
.
.

إي و ربـي ما شـقـيـت بـضـيـقـتي لكن شقاي
[ لآ نـزلـت فـقـبـري آول لـيلةٍ وش رآح يكون..؟

[قلبها وطن]

*يا صاحبي ماني من الهمّ مرتاح


’’’’’’’’و القلب من بعض المواضيع مجروح


ضايق ولوّ إنّي مع النّاس مزّاح ! . .
’’’’’’’ ما ودّي أبدي " ضيقة الصدر" و آبوح


أموت ما صحت ب جروح الزمن " آح " ! . .
’’’’’’’’و أصبر ولوّ إنّي من الجرح مذبوح


أخاف لا يفطن من النّاس" لمّاح " ! . .
’’’’’’’’ و أخاف ما يدري عن الضيق " مملوح " ! . .


أقاوم جراح " ن " وتتعبني جراح
’’’’’’’’ و أبني من الآمال ل أيامي صروح


وأقول : راح الهمّ . . والهمّ ما راح
’’’’’’’’ ولا أدري من هموم الزمن وين أب آروح ؟! . .


وإن لاح دمع العين ب العين ما طاح ! . .
’’’’’’’’ وإن طاح ف افهمها ... " مع طلعة الروح

[قولدن بوي]

ان شكيت الحال .. محدن لي سموع

وان سكت .. الناس زادوني ملام

طال صبري الزمان عيا يطوع
والرجا باللي عيونه ماتنام

[نقاء الروح]

ماللنجوم اوطان دام السما عيونك
بعثرت هالتحنان بلقاك وبدونك
بسمتك منهو قراها
وضحكتك منهو كتبها
ماتعرف من السوالف
عشقها ولا عتبها
المسا هاللي ملاه الشوق
مااسمه مسا
يمكن اسمه عمري الي ضاع فيك
والا اسمه الف ضحكة تحتريك
والا اسمه قلب عاشق دايم يسمي علي