لولا الذوق السلعه تبور

الذوق لولا الذوق ترى السلعه تبور ..... هذا (مثل) مقيول أول وتالي زماني

ان قـلت رايك انتبه.. لكل الحضور ...... إللى لهم بالذوق .. مليون شاني

انا بقول الراي بـس (دمك لا يفور) ...... هذا ترى رايك وحنا لنا رآي ثاني

(بنت الشرف)فيها اللطافه والوقور ...... فيها جمال وذوق وشـكال وألواني

فيها الحسن فيها الحلا شعشع بنور ..... تسكت واذاقالت يزيدالحسن بلساني

(وبنت الردى) دايم مع السكه تدور ....... بالسوق تلقاها ترسل الرمش بعياني

تاخذ رقم هذا وهذا واللبس مستور ؟ ..... وتقول انا بنت الشرف وابوي رباني

واذا اتصل افلان تطلب فلوس وأجور ....... وعند البنات تقول(200)دينارأهـداني

ماعم انا كل البشر من رجاجيل وبزور ...... ولا البنات إللى لهم بالستر عنواني

قلنا الزعل مرفـوع في أول اسطور ....... واعيد أكرر بعد..احذر تصير زعلاني

لامن كتب الشعر خذ من روحي الشور ...... حيث الشعر عبدي وانا فيه سلطاني

شاعر أجيد الشعر وبالشعـر دكتور ......... اعالج اللى بالهـوى فـيه شيطاني

ويمكن انا بالشعر أكابر و مغرور .......... بس العذر أنَ غرور الشعر اعماني



اخوك
"روح القلم "