رساله يجب ان تصل

[STYLER]

^
جدا رائع مقطع " آه يا قلبي "
ممييييييييييييييزززززز

ألف شكر يا مبدع ..

[نبراس الليل]

هلابك والله يا STYLER



ياليت مالي قلب شاعر ومفتون
كان اتفرغ لي واعدل اموري

[نبراس الليل]

نا أحسب حساب الكل ما حب الاستبساط
ولا أداني أهل الكبر .. والبخل .. والتقنيط

لكن حظي مال وجهي معه مقلاط
وأنا ظالمه فالامتحانات بالتسقيط

فرش له ذهب .. ثم ورد .. ثم زل .. ثم بساط
ولا شاف مني غير الإهمال .. والتفريط

أضيع عمل حظي بالإهمال .. والإحباط
تأبطت منه وقال : ما ينفع التأبيط

خسرت النتيجة .. واللقاء من ثلاث أشواط
ولا عاد ينفع دورتي مستوى التنشيط

وخسرت الدبل .. والفرق كله ثلاث ابناط
ولا عاد لي خطة .. ولا عاد لي تخطيط

ربطني هوى خلي رباطٍ وراه رباط
وأنا حالف ما جفاه لو راح جسمي خيط

ولا أنساه لين طريف ينزل بجنب الغاط
وبغداد يصبح في ضواحي خميس مشيط

وإذا ما حصلي قربوا طلقت المخباط
أموت وتروح الروح جعله مراح مقيط

وإلا عطوني جركل القاز .. والمشخاط
وخلي عليه الصبر .. والقبر .. والتحنيط

حبيبي فريقٍ يصدر أمره على الضباط
عطاه الله السلطه وسلط علي تسليط

لقيته صلاة العصر داخل على الخياط
على الحجتين مشط قذلته تمشيط

تعال أكتب أسمك داخل القلب يا خطاط
تبصّر ودقق .. وأنقشه .. وأضبطه تضبيط

[نبراس الليل]

في كسره عصا تزعل وتحرق شجره التفاح // وتكويني على الضلع القصير وتنضج احراقه

[نبراس الليل]

. نسمة الفجر صدري كان جداً رحيب
بس جيتي .. وذكرتيني ب همسها ! .

. يوم كنت أحسب إن الجرح هذا عطيب
لهفتي ، لا خذاها الوقت في درسها .

. كيف ، بالي : يواصلها ومعها يغيب
سالفة اني أنساها يقول : ( انسها ) .

. هقوة الحب ، ما خلّت زماني يجيب
( وردةٍ ) بشرتني خير ، في غرسها .

. شفت نفسي بعدها من حزين لصويب
وهيّ شافت على كل النساء .. نفسها .

. من مشت انتظرت الشمس عقب المغيب
واثر ، حتى هذيك السمس هي شمسها .

. من غلاها حسبت اني ل بكره حبيب
وراح بكره ، وخلاني معَ : أمسها .

. ومن عظيم انكساري يوم جاها نصيب
[ حزّة العرس ، عيّت تكشخ ب عرسها ] .

[نبراس الليل]

وش هو شعورك لو يقولوا توفيّت
وش هو شعوري لو دريت بوفاتك !

سيّر علي ما داآم لك بالحشا بيت
قبل الغياب يهد سور امنياتك ..
_
كنت أحسبني في عطا قلبي أقديت
و آثر كثر الإسراف ب القلب فاتك

غيرك بغوني بالمحبه و عييت
لأنك خذيت الروح ما قلت جاتك

[نبراس الليل]

لا قدرت اذبح اسدها !! لا ولا افك الغزال!!

[نبراس الليل]

سلامتك يابوي من عـارضٍ جـاك
أنا أحمـد الله مـن جديـد انولدنـا


أعمارنا ياجعلهـا مـن .. فدايـاك
ياعزنـا .. ياسورنـا .. ياسندنـا

[نبراس الليل]

حزين جدآ ومتعومس وخايف
أحس كنّي على مهوّي نهايات​

حبيبتي .. إللي أغليها وأبيها؟
راحت.. وقالت بجّي وللحين ماجات



​

[نبراس الليل]

بعـض المواقـف تجـرح الرجـال وتجـيـب العـلـوم
والـدرب أحـد يمشـي ياليـن أتـلاه وألا أحـدٍ قصـر


الـدرب مايبغـى ضعـيـف البـصـر هــزّاع الـعـزوم
اللـي يهـرول فـي السعـه وإيضيـع حـزّات العسـر


ياهاجسي وجه الخصوص آدق من وجه العموم!
وأنـا بشـر وآشـوف والإنـسـان لــه وجـهـة نـظـر


أحـدٍ يعـوم البحْـر وأحـدٍ فـي البـحـر يعـجـز يـعـوم
واللي مايعرف للبحـر حـذرى لايغـرق فـي البحـر


ياصـاحـبـي والله مـانــي طـالــبٍ شــــئ إمــعــدوم
الـمـعـرفـه لــهــا ضــوابــط مايكنـسـلـهـا الــعــذر


واللي مايآقف مع رفيقه لاحضر وقت اللـزوم...؟
وقـــت الـغـنـاه الله يـغـنـي عـنــه والـدنـيــا عــبــر


ماللجـمـالـه غـيــر طـلـقـيـن الـمـحـيـا والــقــروم
اللي ليا ضـآق الدهـر تسطـي علـى ضيـق الدهـر


والصامل اللي يشتري في السوق لوغيره يسـوم
والغاليـه يـفـرق فــي سومتـهـا ولــو زاد السـعـر


والــلــي تـثـنّــى دونــهـــا يالله جـعــلــه مـايــقــوم
هــذاك لاتحـسـب علـيـه إلـيـا ظـهـر نــاب القـشـر


وأهـل الوفـا تُعـرف ولافيـهـا عـلامـات وْ وســوم
وقفاتـهـم تنبـيـك عنـهـم كـــلّ مـاشــان الـقــدر..!!


والـهـرج مايغـنـي ولايـشـبـع ولا يـنـصـر رخـــوم
وأكبر دليل [ الغرب الأولى عقب ماكانت مصر! ]


والصبـر مفتـاح الفـرج والـعـدْل حــلاّل الخـصـوم
والــرجــل يـاطـيـبــه لـيـامـنّــه تــحـــلاّ بـالـصـبــر


وطلبـة بـنـي عـمّـك لاتـرخـص والليـالـي مـاتـدوم
إن كـان ماتحرجـك عطهـا وإحتسـب فيهـا الآجـر


وبعـض المواقـف دونهـا لايقنعـك حـب الخـشـوم
!آخيـر مـن قصـر المهـونـه عــزّك إبـوسـط القـبـر


معك .. معك .. يالين تآصل وقت زرقات السهـوم
وما دامها ماهي معـك فـإضـرب متاهـات الخطـر


والـرحـلـة الـلــي كـلـهـا ذهـــاب مافـيـهـا قــــدوم
لاتحـسـب الـلـي ودّعــك فـيـهـا لـشـوفــك ينـتـظـر


أقولـهـا فــي بـيـوت شـعـرٍ تختـصـر كــل الـعـلـوم
وأنا بشر وآشوف والإنسان لـه وجهـة نظـر ...!!

[نبراس الليل]

ياراشد العليا لها عشرة بنود سجل وأنا بمليك وأحفظ عددها

[نبراس الليل]

لا تكبر الشرهة على عشرة ايام....
لا صار ماهي سنين ليه اتألّم


لا صرتمن عشرة كذا يوم منضام ....
وشلون لو عشرة اسنين أتّبلّم

لكن مدام انك تعاني من الام
تعال اخفف عنك لجل تعلم


وش قولك بشخصين عشرة من اعوام
لا فيهم اللي من عشيرة تظلم


على النقا ظلوا عزيزين واحشام
وكلن على الفزعات دايم مولم


لا قال ذا قدام ذا قال قدام
وقبل يتكلم خابر وش بيتكلم


حتى ابليس اللي على الشر ما نام
لا قال افرقهم يقول يتحلم


والحين شفهم وتعرف كيف الاجرام
وتعرف كيف الشر بر وتعلم


من قبل لا تقابلوا مثل الايتام
لا شفت ملقاهم لبعض اتالم

واليوم لو هي صدفه بمر الاعوام
ما فيهم اللي شاف صاحبه سلم

[نبراس الليل]

للحزن في جوف المفارق مسافات
مشيتـــــــها لين الجروح اتعبتني
تبكي حرووف الشعر في بعض الابيات
لاني ماني اكاتبها هي الي تكتبني
راحت وقالت بعود ولا جات
مــــــــرت علي شهور ما كلمتني
ماغير اوزع للوجيه ابتسامات
وانا مشاهيب الفراق احرقتني
كذاب من قال المحبه سهالات
عطيت لايامي وهي ماعطيني
في قلبها ما اضن ذاك الوفا مات
كني بها في اخر لقى يوم جتني
قالت بغيب وقلت وش صار بالذات
قالت ظرووفي عن وصالك حدتني
قلت الظرووف اقدار رب السموات
ومرت دقايق صمت ما جاوبتني
وقفت توادعني وقفيت بسكات
نذرن على رقبتي انها روعتني
ما عاد ينفعني عليها التلفات
صاحت جرووحي ليه ولا سمعتني
كنت اتمنى ياقف العمر لحظات
لكن عقارب ساعتي سابقتني
للهجر في وجهه المحبه علامات
وطيوفها عقب الوداع احزنتني
راحت ومر الوقت حسره وليعات
امحــــق علوم اربها ما نستني
يخنق شعور الشوق في بعض الاوقات
اني فلا اذكرها بيوم ازعلتني
جنبتها عن كل حاسد وشمات
ياليتها عن جرحها جنبتني
يااغايبه عن شوف عيني سلامات
الدمع والذكرى على ايش اجهدتني
حبش عوض صبري على كل ما فات
وملامحش عن زين غيرك سلبتني
وهجرش حصل لاشك ذكراش لاجات
حتى لواني بين ربعي خذتني
ومشت بي اشواق وعذاب ومسافات
وكل الجروح المبطيه واجهتني
على كفوف الحلم للوصل رغبات
لكن ظروف الوقت ما ساعدتني
يالايام ساهر الليل ما بات
ما شال متنك مثل ما شال متني
ياليت لجروح المحبه نهايات
ما كان دمعات الفراق افضحتني

[نبراس الليل]

يالله تعديهـا علـى خيـر وتصيـب
مـن حدنـى أكتـب خمالـه وعيـبـه

.
.
.
اشره وشـره كـان تبغـى المواجيـب
عط حـق تاخـذ حـق مابـه معيبـه

[نبراس الليل]

غيدا رضاها يجلب المجد والصيت
وعلى غضبها مسرجاً عادياتي
..
أن شرقت تحنيي رقاب الشفاليت
وأن غربت تلوي ذراع الزناتي
..
جتني تنشدني تيكا ياباالفيت
اتقول عادك حي تذهب وتاتي
..
ماقلت لي بتموت لا رحت واقفيت
واقول مادورت طوق النجاتي
..
طالع بعد مارحت بيت لا مريت
تلقى هجيرك محرقاً مورقاتي
..
حتى الغصون اللي تزامى على البيت
يبست وانا ذاوي وانا يبست شفاتي



/

[نبراس الليل]

الحب جرح ولوعة مالها حل

لويجتمع لها الف كاتب وقارئ

[نبراس الليل]

[نبراس الليل]

مانـي بخايـف لـو قصـر عمـري و كابـدت القبـــــــــــور

لـكــن خـايــف لا يــكــون الـقـبــر مـافـيــه ثــمــــــــره

[نبراس الليل]

يا تاج راسي

[سراب01]

لماذا تخليت عني
سؤال يروادني وانا اللي ما بخلت عليك بشي