صباح الخير من بد الخلايق له صباح الخير
صباح ٍ يجلي عماس الظلام و يكشف انوراه
صباح الحب و الأشواق و الأشجان و التقدير
يصبّح به على نسمة غلاه و نفحة ازهاره
صباحه غير في نسمة هواه إن خالط النوّوير
صباحه غير في عيني ليا من هلّت امطاره
حبيبي لو بغيت أوصف شعوري يعجز التعبير
و لكن هاك علم القلب عقبك و أسمع اخباره
أنا في غيبتك شفت الهلاك و صابني تكدير
وإلى منّك طريت القلب لأجلك ينثر عباره
و مصيبه دايم ٍ تطري على قلب العنا و تغيير
وحزن الأرض في قلبي أبد ما يعتّب اسواره
تمنيني بوصلك و أنت من تقصير في تقصير
و شوقي لك يزيد و ما يخونك وافي شباره
تخاويني طيوفك في المنام و حزّة التفكير
أجر الصوت و آلاحي طيور الورق بأشجاره
أنا لو جيت أبسلا عنْك كيف اسلا وكيف يصير
و بيدك قلبي وروحي و عقلي عارف افكاره
أحبّك حب صادق ما دخل في وسطه التزوير
و عليك القلب ما يزعل و نفسي دوم صباره
فديتك حنّ للي جاك ينشد للهجر تفسير
فديتك لا تزيد القلب همّ و عالج اضراره
حبيبي لك غلا كبر الجبال و دوم حبّك غير
وأنا متحمل ّ ٍ حبّك ولو زادت بي اخطاره
و صباح الشوق لعيونك صباح ٍ خطّه التقدير
يجيلك كل ما ذعذع هواه و بيّح اسراره ..!!
|
 |
