لو عندك قطعة فحم ....ايش تكتب على الجدار

[عنوان المحبه]

اللي بقـآ لـي مـع الأيـام ..وفٌيتـه




والضيق لو ينهمـر تشربْـه وديانـي




ماهي كبيره علـي .. والحـزن غنيتـه




ولاهي غريبـه .. إذا وقتـي تحدانـي




الخوف .. و اللي تطوف الخلق في بيته




لا عشت زهرة شبابك .. و أنت وحداني




كم جرح خذْته من الاحباب .. ضمّيتـه




وجروح قلبي زكـاه .. لحـب خلانـي




مطعون ؟ عادي ,, جفا الاقراب ؟ داويته




تعبان ؟ حظي ,, ردي هالحظ؟ خاوانـي




صدمه ؟ بسيطه ,, هوان الحال ؟ مريته




مقرود ؟ أدري ,, و إذا حرمان؟ عدّانـي




مافاح هم ٍ لـك والله .. مـا تقهويتـه




و مامرّ حزنٍ بغيـري .. مـا تبلانـي




ياما .. وياما مـن الخـذلان ..عديتـه




إلا بصاحـب ..بعـد عِشـره تناسانـي




ازريت لأنسى غيابـه .. ليـن ناديتـه




والموت لامـن تجاهلنـي .. وجافانـي




وينه يجينـي .. وكـل عتـاب كنّيتـه




ياليت يدري بعد فرقـاه .. وش جانـي




من كنت طفل وانـا أرجـاه فـي بيتـه




شيّبت .. واثره على هالحـال خلانـي




حتى جناح العتـب لرضـاه .. ذليتـه




ماطرت بعده فرح .. مـن ذل جنحانـي




ياقلب صبرك .. ترى كل شـي سويتـه




ماكان افضل من اللي كان .. بإمكانـي




لو بيّ قوه علـى الهجـران ؟ خليتـه




لوبـيّ ذره مـن النكـران ؟ يفـدانـي




الجرح أرحم.. إذا يرجـع مـن أغليتـه




مجروح ؟ فدوه .. ولكن صعب وحداني

[روح الخاطر]

لاتبكي مـن الزمـن وأحوالـه وتشكـي

وإن قالو الناس ( كيفالحال ) قل :-طيّب

عندك انا , لو يضيق الكون / مـاأبكـي

بس إني أبكي اذا شفت آدمي : طيّـب !!

[عنوان المحبه]

الوقت وقتي ...و الزمن مـا صفالـي ،،
و العمر رحله .. وأتعبته المشاويـر،،


كلي حلالك .. و انـت... كلـك حلالـي ،،
لكن وربي .. حظنـا ماهـو بـ.. خيـر ،،


حاولت.. لكن مـا .. جرالـك جرالـي،،
مات السنع في .. وجه قـل التدابيـر ،،


فـ .. لا تزعل اليا قلت مالـك ومالـي ،،
دام الأماني ..غير و أحلامنـا غيـر ،،


و دام الحزن بـ.. الحب فالـك وفالـي،،
خلنا نتفارق والبقـى ( للمقاديـر ) ،،


أدري فراقك ... صعب ويهـد حالـي،،
و أدري فراقي صار من قبل لايصير،،


ما كنت أبي فرقاك ... بـس الليالـي،،
تسيّر أحلامي .. على عكس ما أسير،،


تدري خفوقك بـ.. الفراق وش هدانـي ،،
أهدى يديني ..(وردتينٍ مـع طيـر )،،


ورحت بـ... فراقـك والهدايـا.. قبالـي،،
ومات بـ.. يديني .. ( وردتين و عصافير ) ،،


يمكن يخون الود لا... مـن طرالـي،،
لكن وربي .. ما أخونك ... مـع الغيـر ،،


أبطلبـك ... حاجـه وأمانـه .. اذا لـي،،
معزهـ / وخاطـر / وحشمـه / وتقديـر ،،


تكفى بـ... غلاة أمك .. اذا كنـت غالـي
لا جيت في بالك ( تذكّرني بخيـر ) ...!!!

[روح الخاطر]

امسح الدمعة ترىضعفك قوي

انهزم قدامضعفكياغلاي !
امسحالدمعةبعمريلو تبي
عطني احزانك وخذ مني هناي

[عنوان المحبه]

جر حبل السوالف خلنا نبتدي
ابتدى الليل وحنا ما بدينا الكلام
مشتعل لك بشوقي ما أبي تبردي
ما طفى جمر شوقي غير برد الغرام

لا عجزتي تقولي اسمعي رددي
يعني لا قلت أحبك قولي مثلي تمام
صيري غيمة شعوري وفي سماي ارعدي
والله إني ظميتك امطري لي حرام

كم سهرت الليالي أنتظر موعدي
كم أعد الدقايق عشاق ٍ مستهام
يا آخر الحب كله وين أنا بـ ابتدي
وأنا أول ما شفتك ضاع مني الكلام

[قلبها وطن]

\
/
\
على آخر تراب الأرض
أحس أن المسافة شبر
و كل الأرض ما تحمل تعب مشوار
أحس إني رغم صغري
تفاهة عمر في صدري
ندم جبّار . . .؟
يا ليت ما كانت لي عيونك أرض
ولا عمري وقفت فـ يوم
على آخر تراب الأرض
تصّورتك حزن الناس جرح النّاس ،
وهم النّاس في عيونك
تخوني النّاس وتخونك
تصّورتك في شامة ليل
على خَدِ السَّما الزرقا
زحَام و الدنيَا سهرانه
أحَد نازل وَأحَد يرقى
وأحَد مِثلك يخاف من الَبلل والطين
يقول إن الرعد قاسي
يحس ان المطر سِّكين
يحسّ ان الذي يضحك
يحس ان الذي يبكي
لا حَد مسكين
تصوّرتك ولا ادري ليه ؟
ولا أظنك بَعد تدرين
يا انتي إن المسافه ِشبر
يا انتي إن الليالي َصبر
وكل الأرض ما تحمل تعب مشوار
على آخر تراب الأرض
على الميهاف
و مرّتني الليالي خفاف
تَعدَّت عمري المعدود
دِريت ان الَمدى محدود
و إن الليل لا شعرك و لا رمشك
و لا شفت الشفق في خدود
دريت اني عجزت املك و لو همّي
و نزيف الجرح من دمي
صحيح الدنيا ما تنشاف
و أنا و انتي على الدنيا
و على الميهاف
أحس إن المسافة شبر
أحس إن الليالي صبر
و كل الأرض ما تحمل تعب مشوار
أحس إني رغم صغري
تفاهة عمر في صدري
ندم جبّار
يا ليت ما كانت لي عيونك أرض
ولا عمري وقفت فـ يوم
على آخر تراب الأرض
\
/

البدر ..

[نقاء الروح]

يآلِيـتْ مَنْهُو بَآلَهْ آلْيُومْ مَرْتـَـآأإحْ..
نُومَهْـ هَنِيْ يَرْقَدْ وَعِ ـيْنَهْـ قَرِيْرَهْـ ..
مَثْلَ آلْطّفَلْ لَآطَآأإحْ فِيْ مَرْقَدَهْـ طَآأإحْ ..
لَآشَآأإغَ ـلَهْـ هَمّهْـ وَلَآهَمْ غَ ـيْرَهْـ ..

[عنوان المحبه]

يطيح جفن الليـل واهـز كتفـه
يفز نجم ، وباقي الليـل مطفـي

واحاكي الجدران عن مثل غرفـه
ماتشبه الجدارن ويطول وصفـي

وتملني الجدارن واظهر لشرفـه
تحت السماء واسكر الباب خلفـي

ليت الشوارع تجمع اثنين صدفـه
لا صار شباك المواعيد مجفـي

ريحٍ تهب وتسكن العظـم رجفـه
وتموت ريح وتسكن اوراق نزفي

على الروابي تهطل دموع وطفه
ويصب لمع بروقها وسط طرفي

ياطاري الغدران ، والعمر رشفه
مع قلّها ، ياليتها ييـوم تصفـي

الحب واجد مير الأقـدار صلفـه
والارض واجد لكن العزم منفـي

والي اعرفه راح مانيب اعرفـه
ولااظن يذكرني اليا اقلبت مقفـي

ماهو حبيبي مورد القلـب حتفـه
ولاهو حبيبي يفرح بوقت ضعفي

مُّر ثمر هالليل ، وامـر قطفـه
يالحمظل الي صرت اذوقه بكفي

هذا وتّو الليـل مـاراح نصفـه
ياليل بعض اللي مضى منك يكفي

[روح الخاطر]

أرفعي راسـك دقيقـهوافهمينـي //الطفولـه كلهـا حـب وصداقـه

لا تغيبالشمس وانتي تكرهينـي //الفـراق المحتمـل مـر ٍمذاقـه

جبت لكورده وذبلت في يمينـي//كان ما تكفيك (ورده)جبتباقه

[عنوان المحبه]

جا يشوف الحال كيفة بعد ماهزة حنينة
قبل يسالني سالته كيف حالك يالحبيب
قال انا كني غريب ضيع دروب المدنيه
قلت انا كني مدنيه تنتظر رجعة غريب

قال اجل وش فيك تلعن سيرة الحب وسنية
قلت أجل وشلون ماالعن سيرته دامك تغيب

انت لامن غبت حتى مرايتك صارت حزينه
كيف ما تبغاني أحزن وانت لي مثل النصيب

الهدايا والرسايل والمكاتيب الثمينة
الليالي والقمر والريح والكون الرحيب

كل ماتبعد تجيب الشعر ليه من يدينة
وتقعد جروحي تودي فالمتاهات وتجيب

يابعد كل القصيدونزوة حداه وانينه
لاذكرتك لاح بيت وطاح ورد وفاح طيب

وان نسيتك مانساني صوتك المبحوح لينه
ياخذ لجرحي بثاره من خطاياك ويطيب

وبعد هذا جاي ترمي ذنبك بوجة المدنية
مادريت ان المدنية كلها شمعة غريب

[الـدوسـري]

من قلب المرأة الحساس تنبثق سعادة البشر

[روح الخاطر]

عطني مبرّر لـ الضياع .. وهمـّـي اللي ما غفا ..
والضيقه .. اللي كل ما أخفيتها .. ترجع .. تبين ..!

واعطيك ..( قــ ــلب ٍ ) لا سألته عنْـك .. تأتأ واكتفا ..
بـ( الخفقه ) اللي لا خطرت فـ بالي .. تشتاق وتلين ..!

[قلبها وطن]

كل ما اقفيت ناداني تعال
وكل ما اقبلت عزم بالرحيل
وكل ما اجنبت واعدني شمال
ياهل الحب ضيعت الدليل
الحقيقه غدت مثل الخيال
هو عدوي وهو أغلى خليل

[نقاء الروح]

بعد الغياب المر وصفحة الحب
القديم


الدمع والآمال والماضي
وأنا!!!


حلمً على (الشباك والله العظيم)

[ابتسامة الوليد]

إن لله عبــادا فـــطنا *طلقوا الدنيا وخافـوا الفتنا

نظــروا فيهـا فلما علموا *أنها ليـست للـحي وطنا

جــعلوها لجــة واتخذوا *صالح الأعمـال فيها سفنا

[روح الخاطر]

أنا تعبت من الاحساس
أنا تعبت من الإخلاص
أنا تعبت أحب الناس
وكل الناس بتخون

[عنوان المحبه]

الــحـــب يـاصـاحـبــي فـــــوق الــــــورق حــرفــيــن

لــكـــنـــه بــالــقــلــب يـــبـــقـــى دايــــمـــــا ســــامـــــي

[روح الخاطر]

كم أتمنى لو سافرنا

نحو بلاد يحكمها الغيتار

حيث الحب بلا أسوار

والكلمات بلا أسوار

والأحلام بلا أسوار

[عنوان المحبه]

العقل نعمه لو تشوف المهابيل !!
والغدر نادر في زمـان الذيابـه


ياما شربنا سم بعـض الأقاويـل
من واحد ٍ كشـر علينـا بنابـه


يالله يا مرسل طيـور الابابيـل
( تقطع قلوب مفرقين القرابـه )


يمشون بالفتنه بكثـر التهاويـل
ولا فكروا في يوم عسر ٍ حسابه


أهل النمايم والحسـد والأقاويـل
(( سحابة ً .. يالعنها مـن سحابـه ))

[روح الخاطر]

ما يفرحني يا سيدتي

أن أتكوم كالعصفور الخائف

بين بساتين الأهداب...

ما يبهرني يا سيدتي

أنتهديني قلما من أقلام الحبر..

أعانقه..

وأنام سعيدا كالأولاد...