يا ضايق الصدر { بالله } وسِّع الخاطر

[البليبل]

أبختصر بيت ما يذهب أدراج الرياح

من فهم معناه صفق وقام صاح له

شخص لا قابلته إرتحت والبال إستراح

وشخص لو تجلس معه عمر ما ترتاح له

[البليبل]

إخترتك من الناس للقلب خلّى

ياحيثك مرادي وكيفي وذوقي

مارحت أدوّر كل زولٍ تحلّى

لولاك تسوى ماعطيتك خفوقي

[دلال]

كل مافيني : طعـون واحـزان وكلافـه
.................................لا انتهاني جرح الاخـر يبتدينـي !
ليت حظي ما رمى ( عمري ) خلافه
.................................ولا ترك لي تمتمة : وينه و ويني ؟
وليت مابينـي وبينـه مـن مسافـه
.................................مثل مابين : السهر وجفون عينـي

[دلال]

تطاردني هواجيسي ليامني بغيت ارتاح
واحس بضيقة الخاطر ويبدا ليل حرماني
وارد الباب من دوني واصك القفل بالمفتاح
وتوافد صوبي الاحزان والافراح تنساني
واشب شموع حزني يومها تغني عن المصباح
وترافقني همومي كنها واحد من اخواني

ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..
في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..

[دكتور حب]

إخترتك من الناس للقلب خلّى

ياحيثك مرادي وكيفي وذوقي

مارحت أدوّر كل زولٍ تحلّى

لولاك تسوى ماعطيتك خفوقي

كلام يابو فهد...::هلال1::

[صامطية]

يا صدمتي في أكثر احبابي ويا خيبة ظنوني
يا ضيق صدري لا ذكرت انّي عليهم ما كذبْت

يا طعنةٍ خلتني انسى من سبايبها طعوني
يا جرح ماله طبّ حتى لو أقول اليوم طبْت

البارحه والله يكون بعون احاسيسي وعوني
أحاول اهرب من عمايلهم ولكن ما هربْت

ما كنت احسّ اني أنا أنا وهذا الكون كوني
أمُرّ في حالة ضياع وشبه غيبوبه وكبْت

أحباب أي أحباب ذول اللي على موتي خذوني
الظاهر اني شبْت ياعالم وانا ما بعد شبْت

سألت نفسي هُم يبوني صدق ولا ّما يبوني
أجبْت نفسي وليتني على سؤالي ما أجبْت

اللي لهم مُدّه وهم في داخلي واستغفلوني
ياما استغلوا طيبتي معهم وكل اللي وهبْت

وهبتهم قلبي وشعري وكلما حولي ودوني
تعبْت معهم بس ما كنّي رغم هذا تعبْت

شعرت فعلاً بالعذاب وغصّة الدمع بعيوني
قرّبتهم منّي وانا اللي كنت احسْبنّي قربْت

عشانهم قررت ابيع اللي من العالم شروني
عشانهم بطّلت لعب .. وليتني والله لعبْت

مادامهم ما قدّروا صدقي ومعهم جرجروني
لوادري آخرها كذا من أول الدرب انسحبْت

أحبابهم واجد ولا ادري ليه بالذات اخدعوني
مع ان عمري ما خدعت انسان أو حتى قلبْت

يا قوّها صدمه وانا لون الغدر ماهو بلوني
وربّي ما أنلام لو بعد الذي سوّوه .. غبْت

ماكنت ناقص صدمه اخرى في حياتي واصدموني
مصدوم خِلقه لين مات الحب فيني وانعطبْت

الحين مدري كيف اعاملهم وهُم ما قدّروني
ما استوعبوا للّي كتبْت من الجروح وما كتبْت

الله يجازيهم على استنزافي وحرقة جفوني
ما كنت حاسبهم يبيعون الغلا يومي حسبْت

اثْر الغلط مني لأني كنت اسلّمهم جنوني
لكنّي أعلنها صريحه "تبْت والله ثم تبْت "

ما عاد لي رغبه أجدّد في علاقتهم طعوني
خسرت في هذا الطريق اضعاف ضعف اللي كسبْت

أحسن لي ابعد واشتري نفسي ولا خيبة ظنوني
إن طبْت من جرحي وإلا ّجِعْلِني ما يوم طبْت

من روائع // محمد الشهري

[البليبل]

كلام يابو فهد...::هلال1::

يعني عجبك ..... مبروك أشوفك قلبت هلالي ::هلال1::

[البليبل]

ترنيمة ........ وبصمـــــــــــــــــــــــــــــة

من أي وادي العطر .... من أي شمس النور

وإلا الشجن من أي شارع ..!

ما سألته .. ما مداني .. كلها كانت ثواني ..!

حرفٍ من خفوقي قتلته .. وحرفٍ عاندني وعصاني

وبس وقفت في مكــــــــــاني ..؟

رائعة لمهندس الكلمة الأمير : بدر بن عبدالمحسن

ذكريات مكة المكرمة 1417هـ – البليبل

[البليبل]

يا قبة الصخرهْ

حاشاكِ أن ترضَيْ هوانَ الأمة الحرهْ

سيهبط النصر على مرتّلِي القرآنْ

على المُصلِّين؛ وفي صوامع الرهبانْ

على الفدائيين في أودية النيرانْ

غداً، غداً، ينفجر البركانْ

ويبدأ الطوفانْ

ينتفض الشهيد في الأكفانْ

ويكسر القضبانْ

يقاتل الآسر والسّجانْ

ينتصر الإنسانْ

يرتفع الأذانْ

حراً عبيريّ الصدى من قبة الصخرهْ

يرطّب المهامه القَفْرهْ

ويعلن الصلاة والجهاد، والثورهْ

في القدس، في الجولان، في سيناءْ

في المدن العذراءْ

في الريف، في سجون إسرائيل، في الصحراءْ

في الأرض، في السماءْ

سيستحيل الماء، والتراب، والهواءْ

مَدافعاً فاغرةً، وثورةً حمراءْ

تزلزل العصابة السوداءْ

فيسقط الطغيانْ

ويُزهق الباطل والبهتانْ

ويمكرون مكرهم،ويمكر الرحمانْ.

رائعة من روائع الشاعرة : نازك الملائكــــــــــــــة

من مذكراتي الجبيل الصناعية 1418هـ – البليبل

[أبووحيد]

أدوّر عن ذهب عمري بقايا كنزي المفقود
وأشوف الموج يطوي الموج ويبحر مركب أيامي
عيوني بسمة عيونك ولو صارت مطر ورعود
أبشرب من ظما دمعك وابغسل جرحي الدامي
عطيني عيونك الليلة وباكر يا عساه صدود
أمانة لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم وهم الدنيا قدامي

[دلال]

لآ لفآك الهم .. ثم عيآ يزول ..!!

وارتجف قلبك .. وكل دمعك نزل ..
سو مثلي .. لو بغيته مآ يطول ..!
اخلق الفرحه, وفكر بـ العقل ..

ابتسم..
من كل أعمآقك وقول :

قدّر الله ومآ شآء فعل ~}

[البليبل]

عندما يوشك جرحك الغائر على الاندمال

فجأة يعاودك من تسبب فيه بنكئه و إعادته للنزيف
فالجرح عندما ينكأ يكون أشدإلام بل وأبطأ شفاء
مادام الجرح يتجدد والنزف يستمر فمتى سيبرأ

[البليبل]

حنا خلقنا الله على العز والطيب *** والمرجله ما كل رجل كفلها

لانظلم الغايب ولا نعلم الغيب *** لاشك نعرف جدها من هزلها

بعض الخطايا توجع القلب وتصيب *** وبعض الخطايا طيبنا يحتملها

[البليبل]

كم فتاة جميلة مدحوها وتغنوا بها كي يسقطوها فإذا صانت الفضيلة عابوها وإذا باعت الخنا عبدوها

[البليبل]

طبع الليالي

جلسةٍ ماهو معي .. ماعليها خانه

كيف ابستانس وهو ماتشوفه عيني

مير هلي الدمع .. ياعيني الولهانه

يوم حال اللآل .. بين الحبيب وبيني

الليالي طبعها دايمٍ ... خوانه

عادة الايام تفريقه الاثنيني

عفت كل البيض .. والسمر انا من شانه

والبلى كانه عقب ... غيبتي ناسيني

[دكتور حب]

تعبت أمني الأسئلة بالإجابه ..وانطر شروق الشمس والشمس بغياب
وتعبت أناظر والمعنى عذابه..إنك بعيدة والملأ دونك حجاب

[اجـــتـــيـــاح]

*
يا هيه قلي وش تبي
و أعطيك فوق اللي تبي كل العيون
*

[أم بدر]

ما بي جرح ولا بي خوف ولا بي أحزان
أبي موقف ! أبي كلمه تهز أوطان
أبي إنسان إذا طحت من طولي يفز ويسند حمولي
يحس فيني قبل لا أشكي ! يواسيني قبل لا أبكي
ومن قلبه إذا حنيت ألاقي بداخله أحضان
دخيل الله . . . أبي إنسان

[البليبل]

وصرت خايف لاتجيني ..
لحظة يذبل فيها .. قلبي !!
وكل اوراقي تموت ...

يا وجود اللي عيونه في بحر حزنه غرايق
ويا وجود المستحي من دمع عينه ما يريقه

ويا وجودي كن همي سابقه للقلب سابق
وأشهد إن السجن سجن القلب لو نفسك طليقه