وكل عام وانتم بخير سوف اسرد لكم هذا الموضوع على طريقة الحوار بين اسره ومنها سوف تتعرفون على (العيد زمان) كان رمان للعيد شمه وريحه ابنات عضايه ويشاضرون ومجهاويل دبعو محنقفه وبقو جهفه على مهامه ومعجايز طلسو ابيت ومعرسه ومطراحه ومداعر ورنججو ركب مقعد ومكراسي مع مسارع بعد منتهي محبل من حبال مقد ومكراسي طبعا يابنائي كان زمان مافيه ولاوضيفه والدخل المادي مبني على اجتهاد الاسره من انتاج المعمال من قصب وحب ومنتوج امهوش من بقر ومغنم من سمن وجلب وبعض الاسر التي لاتملك بلاد ولا هوش من انتاج حرفهم اليدويه انتهينا من عيد رمضان وبدات الاسره تتهيا لعيد الضحيه كيف تعلو احبتي في الله اقول يابنت الحلال يعلم الله انتهي امصيام وعيدنا امس وقديني مشغول بعيد عرفه والله يعين اسمع ونا بنت بويه مثل ماسوينا العام في عيد عرفه نسوي هذي السنه ومدام ام لا مدغما ومحمرا في مقبل وهذي الربايع من مضان ومعاز في مداره معلينا خلاف لا وابشرك ومعمال زارع زبانه وقديه خريط وشويط وابشرك اجا مذرا في محله ومبلاد موشعه حتي مبس ميقدر يذلف منها ومذاري مخرط تماير لاكن مه تقولين ماهو لاكن المعمال حصل ريه هذي السنه مقد وقعن مقتولك ربك ميضع عباده وقلي العام بكم سوقته وبعته من مسمن في شهر القعده وحنا كان معانا مناح منتوج وحده بس وذي السنه ثنتين كلها مناتيج ومعلف نعمه يعلم الله بناتك يروحون بمعلف كبوبه تحت مبقر مراصيف والعام في القعده سوقت مخوبه ولحد اربعه وعاد ولحد اربعه وعاد وفي الحجه سوقته وعد مخوبه ووعد للحد وسوقته المخلفه للمخوبه قبل معيد وبعته من دخلة القعده حتي يوم المخلفه قبل الوقفه اثنعشر مسواق وكل مسواق معاك سمن ونا عادها بعته اثنعشر دبع وكل دبع مليان سمن حمومه بقر فيه ثلاثيتين وخليه ومصوعيه وجلبته من شوال حتي يوم المخلفه اثنين عجاله واربعه تيوسه وثمانيه فران وانا عدني متلهمه كنه ذحين وما اجا امعيد الا وقد قضيت للمعيد من كل جاحه وكسيت مبنات مجهله حتي مديم حقي معيده مفرير مرقم عاده على مشد حق محامله الله الله عادك مقد نسيته لنا اليوم سنه مشاء الله عليك حتي مجهله احمد وعبده وحسن دبعته لهم تحت مضمبره بمدبعه قبل معشر بيومين وكسيتاهم من سوق الخميس من مخوبه من مدرعه وحوك وشرية لهم حاذي شراك ابو حمامه امكبار شريت لهم مدارع بيض ومن حوك ابو قطيفه ومصغار حيكه تترون وتحامقو وقلت لهم انتم عدكم مدرمه واخوتكم قديهم فارقين وقالو لك يبغون شحات ابو حمامه ووصو معاك ومجبته لهم من لحد وقلت لهم عادهم صناعه في مصنع وصدقوك مساكين وميدرون ان مشحات هلا يزرعنه ميصنعنه اقول لك لاتبين عيالك ان مشحات يزرعنه ميصنعنه وتفضحني مع عيالك لا ابشر ونا خبعه ولو بيتوهم برهو لمبلاد ويذرنه ومعدني محصله علف لبقري هحزري ولاتبينهم وقليلي من بياك بمشحات انه يزرعنه بيني امك الله يرحمها وتقول سمع بوك وهو يقول لك انته واخوتك وعدكم صغار هسمعي ياحرمه ترني بكره مسوق مخوبه ومدري ماهو ابدي بماهو تشي تسوق معاك جلب لا قد اكتريت جمل مفرح بريال وساري اليله وابغا محناط حصلنا من مزبانه 1500 صعاع يعني كم كيس 150 كيس ابو عرقه كل كيس 5 صواع من غير مزكاة مية كيس هبناه في اربع حفر وخمسين كيس قسمتوها في عجار وبكره مسوق للمخوبه باربع عجار كل عجره 10 اكياس وحبنا زيديه ابيض كنه نجوم وابغا اشيطها وابيعها ذحين كبي متسيال وقليلي ماهوتشين لبتك من مقضا ولبناتك وصاتنا لبنات قديهم كلهن عزبات ويشون كل شي زين وغالي ونا قد وصيته مع معجوز شوعيه بعشره ريال حق مسمن الاقد بعتابه في مسواق وصيته لهم في ضفروحسن وجعبه وطيب مهو مطحون ثمره وعفص وجوزا وكافور وزر وحنا من مزين وعطر زليخه وشذارمن شب وحطم واربعه مسار واربع فوط بياعي واربعه ثياب سياني واربع لكاعه ابو شراك ووصيته لهن في اربعه محاش لملف ووصيت لهن في مخذاره وقلته لها تشتري بريال كله لبناتي ولايجي ناقص خطور بناتي زعتر وبعيثران وواله وبياض شيح وشذاب وفل عزان ورنجس وكاذي وفل مقريشي وقلت لمعجوز تشتريها وتوديك تروحبها ومقضي مبيت نبغي بريالين بن وقشر وقرفه ونخوه وخضيرا وحور وهيل وفرس وهرد ولا تنسي امرنج اشا ارنجج امقعد وانته ماهو تشين الا ييجي منك يابو عيالي مقبول ومجهله بله عليك زمط على روحك ذي السته واشتره لهم طواقي مع مدرعه ومحوك وملكاعه وشتري لهم شحات ايه ايه تبغا طواقي لعيالها ونا ابيع مصاع حب بريال الا ربع مطواقي محطن على هامتي من يوم خلته سمعو مجهله وبنات ناهق حاملة بوهم وهي في طرف مقريه وصاحو ولده ولده والله بويه والله بويه روح من مسوق وصل الاب العصير من مسوق وباقي من معيد ويومين ونزل مخرج من على محامله ولفنها الام ومجهله وبنات عينهم بمخرج المعلق على معتبه جنب مداعر وما بها من مقضى وحطن مهرشه وتهرشو وخرجو مجهله بين جهاويل مقريه والله بونا شرى لنا كسوة معيد والفرح مالي صدروهم بمدرعه وحوك ولكاعه من عيد للعيد والبنات قد تواصو مع بنات القريه للمعضيه ومحنى ومشذار الام تسائل ها بشر كيف مسوق اليوم الاب لاجيت تبيع تري الناس يشترون منك برخص ولاجيت اشتري ارى الدنا غلا وابشرك قضيت منفعه كلها وزاد معايه ريالين ونصف ويهاذي في محزام الام مقلتولك في شوال ان ربك يعين وانته مهموم مهو يقولون اسعي ياعبدي وانا اسعى معاك وبكره الوقفه وبعده عيد عرفه ومقعد محبله ومرنججه ومبنات عاضين ومحنين ومشاذرين ومجهله مكسين ومدبعين روسهم الاب اليوم الوقفه ترني صايم معاك لي فطور الام فيه قطيبه ولحوح في ملحه ودجره وويكه وحقنه وخميره وخير الله واجد وبكره معيد شاحط حيسيه حيسه ان بغيتاها حالي حالي وان بغيتاها حامض حامض وحني ياحريم مقريه قد تشاورنا من تهب حياسي من حالي ومن حامض ومن تهب قدر معصود ومن تهب قدر دخن والجميع قد وردو البير اثناء النهار ومجرار كلها مليانه ماء استعداد ليوم العيد وبعد صلاةالمغرب قامو يكنسون امحريم وبناتهن ام قبلان والبيوت مطلسه وعرساتها وطرريحها ومداعر وبعد صلاة العشاء الجميع خلد للمنوم منتظرين امغلس متى يجي وتسمع مطاحن في مقريه تترادد يجهزون مطحين لمحياسي ونبهنت الام زوجها وابنائها قمو الناس برهو لمصلي وقامو اعتسلو ولبسو مدارع ومحيكه ومحصلو مطواقي حصلو من عشر حبات شحات وبرهو لمصلي في موادي بين مجله وتسمع التكبيروالتهليل والتحميد قبل الخطبه وصلاة العيد الله واكبر الله واكبر الله واكبر لا اله الا الله الله واكبر الله واكبر ولله الحمد وتسمع الاطفال يصايحون ويلعبون وهم يراقبون ابائهم والفرحه والسرور تخرج من صورهم وبعد ان تنتهي صلاة العيد اقبل كل منهم يصافح الاخر بالسلام والمعايده ورجعو الى بيةتهم وخرج كل واحد مع ابنائه يحمل وجبة العيد هذا بيده حيسيه وهذا قد من مقدوره محجر واصوفها في موقع بطرف القريه وتغدو وبعدها قامو بذبح الضحيه وجمع اسرته زوجته وابنائه وبناته وحضرو وقت الذبح وخرجو النساء بعيدهم الى منزل كبيرة القريه وتعيدو ورجعو وقد انتها الاب من الذبح وسلم الام الذبيحه وخرج مع ابنائه للمعايده وتجمعو في مسيره واحده من بيت الى بيت بقولهم اهلا بيت يلا تلحكم بركة العيد فيرد صاحب البيت تلحكم سعادته ردو عليه ومن العايدين وكل عام ونته بخير وحجه وتمدينه ويعقل الله عليك بعيالك وصحتك وعافيتك والشاب يدعون له ببنت حلال والصبي ختين ومداوا والاصفال يقولو لهم كبير كبر معيد وينتهي المطاف لكبار القؤيه عند كبير القريه وكل احضر سلاحه وحطو لهم منصع اي هذف وكل واحد قام يصوب على الهدف ثم انتقلو للمعايده على الاهل والاصحاب في القري المجاوره واستمرة المعايده بين نسوة القريه وهم في ابها حلتهم من لبس وعضيه واستمرة المعايده ثلاثه ايام بين الاهالي من عمام واخوال والتعني لهم مشي على الاقدام من قبل الشباب مهما كانت المسافه بعيده وكذالك النساء برفقه احد محارهم يذهبون الى اهاليهم للمعايده بالتنقل على ركوبه وانتهت ايام عيد عرفه ( عيد الاضحي) ونتظر عيد الفطر (عيد رمضان) هكذا كنا زماااااااااااااااااااااااااااااااااااااااااااااااا ااااااااااااااااااااااااااااااااان في الاعياد
