من زمان ونجد..مجد
زاد ذاك المجد وجد
أنولد..
قبل الاوان..مثل معنى اسمها
مثل ورد..
واكثر من الورد رقة
وباقي عبقه..بين هذيك الازقة
اشمها
أول هدايانا يدا.. بيد
لوزة.. وباقات ورد
واحترت انا ايامها
كيف الورد.. أهديه ورد
يالرياض..خذ من اشواقي دفا
وقت البراد
وخذ من انفاسي وفا ..
وخذ من عيوني غفا..
وخليها تهنا في الرقاد..
يالرياض..الوفا
طبعي وطبعه
والفراق ماكان منا
كان منا بس دمعه
اعتلت فوفق السحايب
والمداين فيها لمعه
تحكي عن غايب وغايب
من حنايايا ..ومنها من الترايب
كل يوم قبل تشرق شمسنا
يشرق امل
في خفوقي يلمنا ..ولا أمل من الامل
كل شي بها الحياة محتمل
منهو كان يقول انا بنفترق
ابنتظر واشوف منهو بينصهر
حبي لها ولا الفراق بيحترق
ادري ياقلبي تعد..
الليالي والاماني والوعد
ومن زمان ونجد مجد
زاد ذاك المجد وجد
مثل معنى اسمها
قبل الاوان انولد
@
حي الضمير
