من نوى الفرقا تعذر بالاسباب
ومن بغى يبعد كثرت أعذاره
أقبلت وأقفيت وخاطري منك ماطاب
تكفى لانويت بشي أكشف أسراره
تكفى طلبتك وتكفى ترخصلها رقاب
قل ماأحبك ولاأقفيت ماقول ياخساره
أنا اللي كتبت أسمك على السحاب
تخيل وشلون رسمتك بزخات أمطاره
تصور كيف كلمت وديان وهضاب
تشهد على حبي وتسمع أشعاره
وأنا اللي لعيونك بيدي مسكت السراب
وأنا اللي أسقيتك الحب من منبع أنهاره
وأنا اللي كذبت من قال الحب عذاب
وصدقت أن الحب وناسه وضحكة وشطاره
بعد هذا كله تقول خلنا أغراب
وتدور عذر وتحسبن العذر كفاره
صدقني قفلت بوجهي كل الأبواب
وصدقني علمتني الدرس بعد أختباره