ورق عنب على طريقتى
--------------------------------------------------------------------------------

اول شى اسموحولى ابى اكتب بالعاميه

المقادير:
1- ورق عنب العلالى
2-عيش مصرى ثلاث اقلاصات
3-بصل مبشور تقريبا 4-5 ويكنون كبار
4-زيت الى يكفى حق حمس البصل
5- زيت زيتون نص قلاص
6-عصير ليمون قلاص
7- شرائح الطماط الى يكفى حق قاعدة الجدر
8-لحم مفروم

البهارات:

1-فلفل اسود ملعقه ونص
2- كمون مطحون ملعقتين
3-سكر ثلاث معالق
4- ماجى تقريبا 4 علب

الطريقه:

نحط الجدر على النار ونحط الزيت لحد مايصير حار ونحط البصل ونحمسه لحد مايصير لونه ذهبى
وبعدين نحط اللحم المفروم ونحمسه لحد مايتغير لونه اللحم وبعدين نحط البهارات كلها
حتى الماجى بس انتبهى لاتكثرون من الماجى ونقلب الخلطه كلها لحد ماتتماسك وبعدين نحط العيش طبعا بعد غسله عدل ونقلبه مع الخلطه ونخليه على نار وسط تقريبا عشر دقايق
وبعدين نشوف اذا كان يحتاج اى زياده
المهم جذيه خلصنا من طريقة الخلطه
الحين نجيب ورق العنب ملاحظه اذا كانت ورقة الورق العنب كبيره قصيها من النص
والحين جيبى جدر وحطى شرائح الطماط بالقاعده
والحين حشى ورق العنب وحطيه فى الجدر لحد ماتخلصين
الحين جيبى جدر ثانى وحطى فيه ثلاث قلاصات ماء واربع حبات ماجى وحطيه على النار لحد ما يطبخ وبعدين كبيه على جدر ورق العنب راح يكون الماء فوق ورق العنب بشوى والحين حطيه على النار عاليه لمدة عشر دقايق وبعدين على نار تكون اقل شى قبل مايستوى الاكل حطى (اخلطى الليمون +الزيت الزيتون مع بعض) وكتيه فوق ورق العنب ولما يستو اكلوه وعليكم بالعافيه
اتمن انى عرفت اشرح لكم طريقة ورق العنب