نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

للعيون أسرار يعرف كل واحد من أسرارها بقدر تجربته معها .....

لكن في النهاية تبقى الدمعه من أعظم اسرارها ..


اسجنيني برغبتي خلف لهداب=وفي طرفتك بالعين حبس انفرادي
تذكاركم سجان حاضر ولا غاب=يقسا على الغفلات في زادي ورقادي
والمؤبد احكمي وانا للزود طلاب=ما دامت العين هي سجني وبلادي
وان رسمتي بالهدب في ليل احباب=صوريني فيه محبوس ماله مفادي
وقيديني بالعواطف قيدها طاب=ولاتفكي القيد ولو جيتك أنادي
للكواكب شمس في طلوع وغياب=لكن بياض العين ما عرف ثوب الحدادِ
في حورها الضد ولا فيه أغراب=وليه اشتكي للصبح من جور السوادِ
وكم للعيون أسرار من جمر وشهاب=أو سحابة غيث في قفرا ووداي
في قيظها برد والثلج ما ذاب=والهجير في بردها ممسي وغادي
ان هوت ما شكا شايب ولا شاب=والقمم في العين تستوي بالوهادِ
وللفصول الأربعه توقيت وحساب=بس فصول العين زادت للعبادِ
للعين خامس وفيه قسوة وغلاب=موسم دموع العين منها الكحل بادي
فيه ما اقدر على الطوفان هجر وعتاب=واغرق بدمعةٍ ويصير في الموتى عدادي
ووقتها أهرب من حورها ولهداب=واترك السجان في الحبس الانفرادي

آخوكم / أبو مراد الأول