حبيبي (لاتكبـــرها ) ترى الضيــقـه تجـي وتـروح
وانـــا طالبــــك تكـفـى ياحبيـبـــي لاتــكبــــــــرهـا
* * *
ترى الدعوى بسيطه لاتزوّد فالجــــروح جــــروح
وانا بكتب قصيـــده فالمحبــــه وأنــت شاعرهـــــا
* * *
أنا لولاك ماشيــدت لي وسـط القصيـــــد اصـروح
تراكـ (أجمــل) قصيــده حـب أكسرهـــا وأجبــرهـا
* * *
تراكـ أنت الوحيد اللي سكن وسط الجسد والروح
تراكـ (أحــــلا) عبـاره دايـم أكتبهـا وأعبـــــــرهـا
* * *
تراكـ أنت البدر لامن طلع زاد الوضوح وضــــوح
تراكـ (أحــلام ) توقضني ولا ادري كيــف افسرهـا
* * *
عطيتك من عروق القــلب شيـــكٍ بالغـــلا مفتـوح
وعطيتك كل كلمــه من صميــــم القلـب مظهرهـا
* * *
وتخطي ثم تخــطي بس أقول بخــاطري مسمـوح
أنا وشلون أطالـــع غلطتـــك ياكيـــف أنـاظــرهـا
* * *
غيابك طال .. لين اصبح خبرنا بالعشق مفضـوح
وكلٍ عـارف القـصــــه مـن ( اولــهـا ليــاخرهـا )
* * *
طعونك .. خلت اعروق المحبـــه دمهـا مسفـوح
تعال ( وبشر اطعونك ) تـرى فـازت خناجــرهـا
* * *
تـرى مقدر على صدك ومهما تـروح أنا بـاروح
اليـن الـقـاك .. واجـدد محبتــــنـا ( واطـورهـا )
* * *
وكلمه من ضميري قلتـها لك تشفـي المـجـروح
لجل ( عينـك) باكررهـا ولجـل (حبــك) باكررهـا
* * *
( نصيحة) نترك الماضي ترى الضيقه تجي وتروح
وتــرى الدعـوى بسيطـه ياحبيبـي ( لاتكبــــرهـا )
محمد الوافي
رد مع اقتباس