:
خذني لبلد ..
مافي شوارعها مطر
دام المطر كله " حنين "
خذني لأماكن مزعجة للعابرين !
ما أبغى سكون
أخاف لحظه : أختلي مع " ذاكرة "
مليانه وجيه وتعب
وأحن له
وأنا صديق للظلام وللمطر !
وعشان أحافظ ع الصبر
بصلي فرضي وأنام
أبكره الليل الطويل
أبعشق إزعاج النهار المزدحم
بس المهم
ما " أختلي "
مع ذاكرة مليانه بـ وجيه وتعب !
وأكتب شعر
وإذا قريته بعد يوم أستنكره
وأستغرب إني قد كتبته
من كثر ماهو حزين
يا هو تعب
اللي يسمونه " حنين " ..
بدر بن عبدالمحسن
|
 |
رد مع اقتباس