عناد البنات !!

[ترانيم الأمل]

السلام عليكم ورحمة الله وبركاته


يالله حيهم.. حياكم جميع...

.
.
.
.

ترى موضوعي بكب عشاء البنات يعني أي ولد يكتفي بالمشاهده..
<--أمزح هالله هالله بالتعاطف

بالله ما تلاحظون ان مابقى عيب بالدنيا ما لزقوه فينا ..حنا يا معشر البنات ...
البنات منبع الرقه والنعومه والحنان بالدنيا كلها...صح بدت هالصفات تنقرض
وتجي بدالها صفات قشرى..ويا كثرها..

.
.

يعني يا بنات بما انه قسمنا خلونا صريحين وواقعيين..نلاحظ الصفه والسمه
الأساسيه للبنات هي (العناد) ..يعني نادرا ما نلقى بنت مو عنيده ...
طبعا الأسباب بنشوفها بعد شوي..

طبعا العناد يتفاوت بين الأشخاص...يعني أعلى ذروات العناد تكون في التمسك
في الرأي ورفض الرضوخ لأي أمر...او انقياد لأي كلام او توجيهات...
حتى لو كانت العواقب شديده...
.
.
.
العناد عند البنات ممكن يكون:

النوع الأول..

يكون فيها العناد صفه اساسيه في الشخصيه...يعني تجاه جميع الناس...
يعني مثلا:
وحده كنت أعرفها كانت تدرس بالخارج...ودفعت ضريبة عنادها انها ضيعت
مستقبلها الجامعي وتركت دراستها...رغم انها وأكيد انها تعض اصابع الندم
لكن مستحيل تقول انها ندمانه او ليتها ما سوت كذا...


سألت دكتور نفسي (لحد يجي مدرعم والله ان هالدكتور قريبي وأمون عليه بقوه لدرجة
انه قال عقب ما خلصت كلي تبن وخلي عنك زود الفلسفه )

إن العناد في مثل هالحالات..يكون بالغ ذروته...يعني تعتبر هنا ان أي خضوع
لأي أمر..أو انقياد لأي توجيه..ضعف وتخاذل منها...
طبعا والله يا هو صف لي كلااام كثير عجزت احفظه
خذت اللي فهمته وبس


النوع الثاني..

لما يكون العناد موجه لشخص معين...عاد هذا مشكله خصوصا أن اغلب هالنوع
يكون بين الزوجين..
برضوا مثلا:

وحده اعرفها كانت طيبه وش حليلها لدرجة اننا كنا نسرق الورق عنب من درجها تذكرين عشقي<--ابو الشطحات اللي تعرفينها..
المهم تزوجت وكان زوجها عنيد وهي أعند منه ...من جد عانوا في اول زواجهم..كلن يبي يمشي
رايه على الثاني..وهي تعتبر انها لو استسلمت لكل اوامره بيعتبرها ضعيفه...
.
.
.



النوع الثالث:

بعض البنات عندهم مشكله لما تجي تعبر نفسها نشوفها تعبر عن نفسها بالعناد..{هالشي حتى بالشباب..}
.
.
.


النوع الرابع:

مرات تلاقي صعوبه بفهم الناس..يعني تفهم بعض الاشخاص غلط وممكن اي موقف يصير تعتبره تحدي..وهو مش كذا بس تفكيرها يقول كذا..,

وفي عناد حاقد..,ممكن لو احد يطلب منها شي تسوي العكس..

عناد بحقد يعني..
نشوف أهم سببين...

1-البيئه الأجتماعيه اللي تعيشها البنت..

يعني ممكن تكون عانت عند اهلها تشوف اوامر شديده عليها بأسلوب جاف ولازم تنفذها ..هالشي يأثر عليها بعدين انها تعاند عشان تثبت شخصيتها ووجودها ومحد يقدر يفرض عليها شي ماتبيه حتى لو كان لمصلحتها بتعاند بس عشان تثبت شخصيتها..,



2- الحاله النفسيه الي تعيشها البنت..(علاقة الوالدين بها..او علاقة الأب والام ببعض)
يعني البنت تشوف امها وابوها يتعاملون بعناد مع بعض كلن يمشي اللي براسه والبنت اكتسبت هالشي من اهلها,,’وتعيش حياتها على هالطبع..وهالشي يأثر عليها بنتيجه سلبيه مستقبلا..



واحب اقولكم في فرق بين عناد البنت والرجل..,

يعني البنت عاطفيه اكثر من الرجل فهي مؤهله تكون عنيده.. اكثر من الرجل..ولو نلاحظ اللي تشتغل تكون اكثر عناد من العاطله يعني الرجال رايه مسموع ولاهو بحاجة العناد..


نصيحه من القلب للقلب..,:

يا بنات أي وحده عنيده تغسل ايدها من العرس...خالي يقول اخطبوا لي شيفه وقرده
لكن لاتخطبون لي عنيده...