مين !!
أنتم مين !!؟
أنا / من باقي الأحباب
( حنين وطين )
أنا اللي ما كتب صوته
وبعد مرت كثير ( سنين )
قروه الناس في موته
وجبتوا أغنية / مقفين
وأنا باقي حنين وطين
وأبسألكم /
أنا من باقي الأحباب ..؟
إنتم مين !!؟



أنا عندي حنين


يرف الصبح عصفور الحنين ويرتعش بي غي
.................. وأنا في خاطري حاجه و صبحٍ آخر على لساني
عرفت أكتب على الماء حلم ب أقلام القلق والضي
.................. و لا واحد من | أحبابي | , عرف يحلم و يقراني
أمر غصونهم ( جرداً , يباس ) ولا عليها شي
.................. وأنا نفس الطيور اللي على أغصاني / على أغصاني
( صباحٍ ) كل ما مريت زحمة مدرسة ب الحي
.................. ( حنينٍ ) ما عرفت ل مين ؟؟! . . . مرّ و ما تعداني
أنا ذاك الزمان / اللي بقآ بين الحنايا , حي
.................. نسيت أنسى , و أخاف إني متى ما تذكر أنساني !
بقى للشمس في طيني : شقوق .. و للسنابل فّي
.................. سمار القمح , في ظاهر يديني يشبه / أحزاني
وأحس إني متى ما أكتب عن اجروحي تـتـوه إيدي
.................. وأضيع . . . وكن ما غيري إذا ما ضعت يلقاني
أقلب صمتي الباقي على صوتي , يفز المي
.................. ويجي في صفحته ( وجهٍ ) من النسيان , يقراني




عتب
وجهك المنفي على أوراقك تعب......
صمتك المبحوح لاعز الكلام
ليتني ماقلت لك طاح الحطب......
لاجل يبقى عذر لاحتجت الملام
الكتابه حلم والواقع صعب......
ودي أكتب شي في صدري وأنام
من زمان الغصن يملاني العتب......
لين ما باقي غصون ولا حمام
ياعروق الريح حنجرتي قصب......
ناي الايام ومواويل الظلام
ودي أكتب بعض حزني مانكتب......
إن لقيت الحزن ضيعت الكلام

البليبل وعطاء دائم