من آثار الصدقة في الدنيا ..
بسم الله الرحمن الرحيم
السلام عليكم ورحمه الله وبركاته
هذة قصة حصلت لرجل من المدينة المنوره يبلغ من العمر مايقارب 48سنه
اليكم القصة بختصار قدر الله على هذا الرجل واصابه فشل كلوي وتبلغ الخبر بنفس صابرة مؤمنة بالله
عز وجل بعد ان اخبره الطبيب بانه مصاب بفشل كلوي خافو اولاده عليه وقالو له نبي نتبرعلك بكليه
لكن الاب رفض وقال لاتفتحون الموضوع بالمره مستحيل احد فيكم يتبرع لي ....المهم الاولاد خايفين
على ابوهم أسالوا يمين يسار المهم قالو لازم نشوف لنا حل ...
اقترح احد اصدقاء الابناء بان يذهبوا به لدولة مصر ويشترون كليه مقابل المال طبعا...و حالتهم الماديه
لاباس عليها... فراحو للوالد المصاب بالفشل الكلوي واقترحو عليه ورفض الاب لكن بعد اصرار من
الابناء وافق ...
حجزو طيران وراحوا مصر المهم وصلو مصرواسالو الاطباء هناك اسالو كيف الحل .... قال لهم الاطباء
لازم يتبرع له احد .... المهم اخذو تحاليل منه وسووا له فحوصات ...
بعد كم يوم قالو الاطباء فيه شخص بيتبرع لك بكليه بشرط تدفعله 70 الف جنيه مصري الابناء وافقو
والاب قال موافق دفعوالابناء المبلغ للشخص 70 الف جنيه مصري ...
بعدها بيوم قال الاب انا بشوف الشخص اللي راح يتبرع لي قالو له مو لازم تشوفه خلاص الحمدلله لقينا
اللي يتبرع ... قال الاب لازم اشوفه ودي اشكره على اللي راح يسويه معي ...
بعد الحاح شديد من الاب وافقو الابناء واخذوا الاب للشخص اللي بيتبرع له بكليه قبل مايسوي العمليه
...
دخل عليها الغرفه وانها بنت 17 سنه قالو له الابناء هذه اللي بتتبرع لك بكليه انصدم الاب بالموقف
انشل لسانه عن الكلام لم يتخيل انها بنت في عمرالزهور....
طيب ليش تتبرعين ومين اجبرها على كذا وليش؟
اتعرفون مالذي اجبرها على بيع كليتها انه الفقر.... ايه نعم الفقرهذه الفتاه تعول اخويها واختها الصغرى
بعد وفاة ابيها وامها ....
صابهم الفقر الشديد اللي جعلها تبيع كليتها المهم تعرفون وش صار في الرجل .... الرجل قال والله
ماسوي العمليه انصدموا الابناء !!!! قالو ليش قال والله ماسويها لو يصيراللي يصير... حاولو الابناء في
الاب لكن رفض ... طيب يابوي المبلغ اللي دفعناه قال الاب والله ماخذه ولا ابغاه حلال عليها ويحرم
علي حرمة البنت على ابوها ....
وحجزوا الابناء والاب على السعوديه ووصلوا السعوديه بعد شهرين سوا الاب فحوصات في مستشفى
خاص قالو له مافيك شي لافشل كلوي ولا هم يحزنون !!! الاب ماقتنع بنتيجة الفحوصات راح مستشفى
ثاني وسوى فحوصات وقالو له مافيك شي !!!!
الاب استغرب من الموضوع وراح للمستشفى اللي اكتشف فيه المرض اول شي وقالوا له نفس الكلام
....
سوى فحوصات خارج السعوديه وقالو له مافيك شي انت سليم مافيك شي طبعا الحين بتقولون انه خطا
طبي ولكن الموضوع ماكان خطا طبي ....
شفاه الله وعافاه وقدرة الله فوق كل شي ...وهذا الشخص فرج كربة عن مسلم فرج عن الفتاه ذات 17
سنه ففرجها الله عليه وعافاه بسببها
الله اكبر قدرة الله فوق كل شي
سبحان الله شوفو كيف تشافى,,
م/ن
|
 |
بارك الله فيك وحفظك ورعاك أبوفهد
رد مع اقتباس
المشاركة الأصلية كتبت بواسطة دكتور حب
