نستعين بالله ..
هذا المساء سـ أذكر اكثر من ذكرى .. طلوعاً إلى رغبة الجمهور
هذا يا ساده يا كرام ..
يوم استلام شهادة نجاحي من الصف السادس وإنتقالي الى
المرحله المتوسطه ,,
فليت شعري ولبست ذاك الفستان الي اشتريته خصيص لذك اليوم
وانا طالعه السيارة .. شافني الوالد وقال يابنت لمي شعرك
لكن حنيت عليه انه اليوم انا فرحانه بشهادتي ,,
وبرهت استلمت شهادتي وعلى السوق (سوق البلد )
قلب الوفا تعرفين سوق برحة القزاز
واشري لي تعليقة النجاح واخذت يومها حرف (J)
مو حرفي بس مدري ليش شريتها
وارجع البيت فرحانه بالنجاح والهديه .. الا في ضيوف
كانوا جاين من الديره .. ادخل اسلم عليهم ويباركون لي
اطلع من عندهم على الممطبخ طوالي ,,
امي طبعا حطت الكفتيرة على النار تبي تسوي الشاي والقهوه
ومرفعه الشعله عشان تفور المويه بسرعه ,,
وطبعا محد قدي يومها دخلت الممطبخ اعبي كاسه مويه واشرب
الا حرمة اخويه الكبير تهبدني على ظهري وتصرخوانا فجعه وبهزه كلها حصلتها
وتجي امي والضيوف وش فيه وش فيه ؟
اثاري النار مسكت في شعري وطالعه .. وانا بارده ماحسيت فيها
فديت حماتي أنا
وقصت امي يومها الحارق منه .. ومارضيت بالباقي ,,
ومرة السنين وشعري كل ماله يتساقط بكثره وانعدم بمعنى انعدم
ماخليت اطباء جلديه واستشاريين .. ولا قراءات ماشي
واقول لامي بقص ؟ قالن بخراجك ..قلت طيب
وينك يا ابويه واجي عند الوالد واحن عليه وادقه بسلمه على عينه
قال قصيه وامك عليه
ماكذبت خبر وقصته اختي لي الى منتصف الظهر
ومن هنا بدأ مشواري للوصول الى الصفر
بعدها قصيته للكتف .. وامي تقول ارى شعرك كل ماجاله يكفت
قلت لها يا أمي مشانبو هذا مو مزين
الين ثالث متوسط .. تظرب في رأسي حكاية ان العين ماتروح
الا بالحلق .. كل ما قلت لا أحد قال مجنونه ,, قلت طيب انا اوريكم الجنان
واروح المشغل اقصه فرنسي . عشان يسهل عليه
وبعدها بفتره ... ادخل الحمام وانتم بكرامه .. وامسك المقص
واقصصه كله وارجع اكمل عليه بالموس .. لين صار حب حب على السكين
وجلست ثلاث ايام مااشيل منديل الشعر من على رأسي .. كني شغاله
لين امي شكت في الموضوع واكتشفت ,, وحصلت سلسلة من المحاضرات
وكثير من الالقاب ,,
بس عشت ايام روعه .. راحه والله ياحظ الرجال ,,
لكن احلى شي يوم بداء يطول وصار زي الدبابيس تطلع
من الطرحه ..
اللـــــــــــــــــــه والله ايام كنت من جد مجنونه
الحمد الحين عقلت فته
|
 |
رد مع اقتباس