اولا الشكر لك مشرفنا ...
حلوه استضافة بنت في المجال الرياضي وناسه
ما هي رياضتك \ي ألمفضله ؟ وهل تتابع\ي رياضات أخرى ؟
بحكم تربيتنا وسط شباب فغالبا كرة القدم
فيه متابعا لتنس الطاوله .. الطائره ..
ما هو ناديك المفضل / محلياً/ عالمياً ؟
امممم ولا نادي نشجع اللعبه الحلوه
من هو لاعبك المفضل / محلياً/ عالمياً ؟
زمان يوم كنت اتابع المباريات كنت اعشق شيئ اسمه صالح النعيمه .. ماجد .. يوسف الثنيان
عيال التمياط
حتى اتذكر كنت صغيره يوم قالوا صالح النعيمه اعتزل قعدنا نصيح نحسبه بيموت
ماكنا نعرف وش اعتزال
أنت\ي لاعب و نجم كرة قدم مشهور . في أي نادي تفضل\ي أن تحترف ؟
اممممم نوادي اروبيه اقلها مافيها زي نوادينا غش وصرف ملايين على قل سنع
هل أنت\ي متعصب لناديك ؟
اتعصب كثييير للمنتخب
هل تؤيد الحكام الأوروبيين في الملاعب السعودية ؟
عادي .. ويمكن هم افضل من حكامنا اللي ممكن تصيبهم عدوى التعصب
ما رأيك في احتكار يعني (التشفير) القنوات الفضائية لأهم البطولات ؟
ماافهم في الامور ذي
من هو أفضل لاعب أجنبي محترف بالملاعب السعودية ؟
اسمع عبودي معجب بالمحرف في الهلال نسيت اسمه
اظن ويلهامسون
من هو أفضل مدرب في الملاعب السعودية؟
خليل الزياني + ناصر الجوهر
هم مدربي الازمات والزنقات
من أفضل رئيس نادي سعودي؟
يعجبني البلطان صراحه +رئيس الاهلي
البقيه ليتهم
من في نظرك يحمل اكبر قاعده جماهيريه وشعبيه في الملاعب السعودية ؟
الهلال + الاتحاد
من هو أفضل جمهور من جماهير الأندية السعودية من حيث الاهازيج؟
لأتي
من هو أفضل / حارس مرمى / مدافع / ظهير / وسط / مهاجم ؟ في الملاعب السعودية ؟
مو متابعه كثير ترى ولا اعرف الا اشكالهم غالبا
هل تفضل\ي مشاهدة مباريات كرة القدم من خلف الشاشة أم من مدرجات الملاعب ؟
ياسلام لو يحطون لنا مدرجات وناسه بنقعد نحش باللاعبين
أي نادي من وجهة نظرك هو أفضل من يمثل الكره في البطولات الخارجية ؟
الأتحاد + الاهلي
كلمة اخيره عن القسم الرياضي بالمنتدى ؟
يعطيك العافيه مشرفنا
القسمم مميز بمشرفيه واعضاؤه المتابعين له
وتشكر على متابعتك واشرافك
ويحتاج ايضا استمراريه حتى لايفقد توهجه
الشكر لك مشرفنا على هذه الاستضافه ويارب اكون خفيفه على قلوبكم
|
 |
رد مع اقتباس