في باب غرفتها..عبده خلاف

[النواوي]

في باب غرفتها وقفت وخذاني=((الشوق)) لوقات(ن) قضتها معايا
عم (الحزن) روحي وزلزل كياني=وحسيت مثل النار داخل حشايا
القلب مركب والمواجع مواني=والفقد (طلقه) والمشاعر ضحايا
معقول ما يحدث معي يا زماني=غير الألم ما عاد عندك عطايا
كنا هنا اضحك وتضحك عشاني=وتقص لي اجمل واروع حكايا
وكانت من الشرفه تطل وتراني=ولامن رأتني (تختبي) بالزوايا
وكانت بداخلها تعيش (الأماني)=وتضم اطهر (قلب) بين الحنايا
وكانت تقول ارجوك لا تحب ثاني=مابي احد يسكن خفوقك سوايا
واليوم ماتت والفرح قد نساني=ما عاد لي غير العطر والهدايا
والا رسايل من سببها (أعاني)=في وسطها مكتوب سبت شقايا
كل شي بغرفتها (نظرته) كواني=مكياجها (و) سوارها (و) المرايا
ياليتني ما عشت حتى (ثواني)=(الموت) ارحم والقبر يا ضنايا

هذي حقيقة حب واللي دعاني=اكشف (معالمها) وكل الخفايا

ان الشعر ملت تقوله (لساني)=هذي النهايه والعشم في البقايا


عبده خلاف

جبر الله كسرك ورحم من فقدت اخي عبده خلاف
قصيده داعيها الحزن وشاهدها الفراق عزفتها
بصدق على اوتار الشوق في رحاب الذكرى
استوقفتني كثيرا وغورقتني اكثر
تحياتي لك وتقبل مروري

[عبده خلاف]

جبر الله كسرك ورحم من فقدت اخي عبده خلاف
قصيده داعيها الحزن وشاهدها الفراق عزفتها
بصدق على اوتار الشوق في رحاب الذكرى
استوقفتني كثيرا وغورقتني اكثر
تحياتي لك وتقبل مروري

حضورك بلسم لكل الجراح يا عذب
لروحك أكاليل من الجوري,,
حبي