ليش شوهتي سمعتي ؟؟

[STYLER]

بصراحه روووعه وعندنا فجدة هذي القناة محبوبة وفي المدارس يرددو اناشيدها وفرحانين انو عندهم قناة سعودية

خاصة فيهم .. وهذي الانشودة جابت اشياء يمكن فجيزان مش حاصلة لكن فمدن كبيرة حاصلة زي التدخين بل وصلو في العمر هذا يحششو وكمان يسرقو فلوس اخوانهم ويماشو في الحواري اولاد شياطين بمعنى الكلمة .. اما من ناحية انو رقصهم بدائي او لبسهم فعاد عين الرضى عن كل عيب كليلة .. كما ان عين السخط تبدي المساويا

والنقص شي طبيعي في البشر لكن السعوديين وبالذات اهل جيزان مبدعين واذكياء فكل المجالات والحمد لله والذوق يختلف فواحد يشوف كلام السوررين جميل على ولده لمن يجلس ينشد اناشيدهم ولايقبل اناشيد اهل منطقته وغيره الووووف من مناطق ثانية يشجعو الفكرة وفرحانين .. زمان كان اللي عنده دش فبيته يعتبر ماجن
والآن كلنا عندنا دشات .. وزمان كان اللي عنده جوال ابو كاميرا كان حتى الدوريات تاخذه منه .. والآن كلنا عندنا جوالات .. وزمان كان اللي عندهم النت يعتبرو مشكوك فنواياهم .. والآن صار كلنا ندخل النت ..

أهاااا عندكم في جدة !!!

شيء طبيعي أنها في جدة تكون معجبتهم !!!

لكن بالنسبة لنا كـ أهل المنطقه غير مقتنعين بالشيء هذا و نحتاج أن تكون القناة تمثل وجهة نظر أهالي المنطقة وليس أهالي جده مع أحترامي لأهالي جدة ..!

أنا معك أن في المنطقه مبدعين وكذا .. بس يحتاجون لظهور بشكل أفضل من الشكل اللي تظهر عليه القناة حاليا ..
ومعك أيضا بأن الوضع تغير عن السابق .. والدشوش كانت ممنوعه ووووو إلخ !!
وهذي يعود فيها السبب لأننا نحن من تخلى عن القيم !! بفعل فاااااعل ومساعدة وضعف النفس ..
وأستدرجنا بالفتن ..! ما يحتاج الناس عارفه هالشيء ..

وأعلم أيضا أننا في انحدار ..وأعلم أيضا أننا في انحدار .. وأعلم أيضا أننا في انحدار معظمنا حتى لا نظلم البعض الثابت على قيمه وأخلاقياته ..
والله المستعان ..

وجدة من أوائل تلك المناطق التي دعت لهالشيء ..
وتقريبا أتوقع والله أعلم أن أغلب التطورات الحديثة في هذا الجانب تبدأ في جده ..!
من بعض أهالي جدة ولا يعني هذا بأن جده ليس فيها من المحافظين على قيامهم بل على العكس تماما هناك محافظون كثر وثابتون على قيمهم ..
ولكن لا أحد ينكر بأن من اوائل المناطق تواكبا للتطورات السلبيه جدة
كما كانت من أوائلها تطورا إيجابيا في نواح اخرى ..

والشواهد كثيره ولا داعي لذكرهـا ..

شكرا لك ..