متى بدأت القيادة ومن كان معلمك الأول ؟
هي ليست قيادة وإنما ( درديحة ) هههههههههههه
كنت في رابع ابتدائي وعمري يومها 10 سنوات وكان والدي رحمه الله يصحينا لصلاة الفجر
وبعد الصلاة يذهب لمخبر الكشيع يحضر الخبز والوالدة تجهز الفطور
وكنت أفطر لقمتين سريعة وأفـزّ بسرعة لغرض في نفسي
أقوم ألبس وأشيل شنطتي يشوفني الوالد جاهز
يقول : خذ مفتاح السيارة وروح شغلها علشان تحمى
وهذا هو الغرض اللي أحب أعمله كل يوم
كنت أتمنى إني أسوق وأراقب أبوية كيف يشغل وكيف يعشق وكيف يلف الدركسون ويدق بوري بييييييييب بيب
السيارة جيب شراع موديل 77 تقريبا
وكان يوقفها في مكان مرتفع بينها وبين باب البيت تقريبا 60 متر
وأنا أنطلق مثل البرق أدوس كلتش وأفضي الموتر وطبعا يكون البريك معشق وأشغل
وأدوس بنزين بااام بام وأستانس وأفرح إذا شفت عيال الحارة مارين من جنبي
أقوم أتفاشر وأدوس أكثر باااااااااااااااام بام
حتى يأتي الوالد ويركب وننطلق يوصلني المدرسة ويروح المعهد العلمي اللي كان وكيلا له يومها
واستمريت على هذا الوضع أشهر وأنا متابع كل حركات أبوية أثناء القيادة
وفي يوم من الأيام فعلتها
أفضي الموتر وقلبي دبج دبج دبج من الخوف وسحبت الجلنط والسيارة مع الدحديرة تحركن
وأمسك الدركسون وهي تدرفعن حتى وصلت عند باب البيت وأمسك فرامل والسيارة وقفت
طلع أبوية من البيت وشاف السيارة واقفة قدام الباب وأنا جالس مكان السواق وماسك الدركسون كان شا ينجلط
أخذ لفة على السيارة وأجا من ناحيتي وفتح الباب وقرشني بملطام طراااااع
وقال : عادك تعيدها مرة ثانية أكسر رقبتك
وهذي كانت أول مرة أسوق فيها السيارة وعمري 10 سنوات إذا سمينا هذي الدرديحة سياقة
بعدما دخلت أولى متوسط عام 1401 هـ بدأ الوالد يعلمني وحدة وحدة وطبعا يومها السيارات في صامطة
كانت معدودة وقليلة جدا .
ما نوع أول سيارة قدتها ؟
صديق تشعر بالثقة حينما يكون بجانك أثناء قيادتك ؟!
ابن خالتي محمد مصلح الله يحفظه
سأعود لأكمل إن شاء الله
|
 |
رد مع اقتباس
المشاركة الأصلية كتبت بواسطة أبوإسماعيل
