أبي الجنه

[شموع بارده]

أبي الجنه
تحت ضو القمر مدري وش الي صار وأبكاني
كذا وبلا سبب طاحت دموع تبلل إيديه
كذا خانتني دموعي كذا جرحي تحداني
وقفت أعاند جروحي وأهدي نفسي شويه

وقفت أقول للعالم أنا ماني بوحداني
معي ربي يكفيني هو إلي يعرف شـ فيه
مدام الله معي ماهمني من راح ومن جاني
ولو ضاقت بي الدنيا أضل بربي قويه


أبي الجنه ..أبي الجنه وادري ها الزمن فاني
بخيالي عشت أنا فيها ولي أحلام ورديه
هناك إلي أبيه يصير وأنسى نغمة أحزاني
هناك أحقق أحلامي وينسى الهم طاريه

هناك أردد أشعاري واغني أجمل الحاني
وأعيش بحبي الطاهر ملاك وأحلى حوريه
وأتنفس هوى الجنه وأقول الدمع خلاني
وأبوح بأجمل إحساس الشعر وبدون قافيه

كثير أشياء في بالي كثيره بيدي ألواني
أبي أرسم بها لوحه لها أفكار سحريه
ياربي أطلبك جنه كل شيٍ بها داني
وأحقق فيها أحلامي وترفض دمعتي الجيه


بقلمي
سميه الصميلي
شموع بارده

[عبده حكمي]

جنته الله غاليــــــــــــــــــــــــــــــه والكل غالي

ماهي تجي بوصــــــاف اوهوتمني

تبغى العمل يسري بوسط الليالي

مع دمعــــــــــــــةٍ تنزل مايدرون عني

أسـأل الله لنا ولك ولوالدينا الجنة

صح لسانك شاعرتنا الكريمة شموع

لا فض فوك

[شموع بارده]

أخوي عبده حكمي
أسعدني مرورك بمتصفحي
وتقبل مني كل الاحترام

[دلال]

كثير أشياء في بالي كثيره بيدي ألواني
أبي أرسم بها لوحه لها أفكار سحريه
ياربي أطلبك جنه كل شيٍ بها داني
وأحقق فيها أحلامي وترفض دمعتي الجيه

.

انسكب الحبر جمالا من قلمك

شموع باردة

سلمت لنا يا انيقة

[خالد معافا]

بارك الله فيك شموخ نسأل الله ان يحقق كل امانيك