بسم الله الرحمن الرحيم
ببالغ الحزن وعظيم الأسى
بأسمي واسم جميع اسرة
منتديات صامطه الثقافيه
إدارة واعضاء وزوار
اتوجه بصادق المواساه والتعازي الي
اختنا الغاليه والأداريه القديره
انوار
سألاً المولى عزوجل ان يرحم والدتها
ووالدتنا جميعاً ويسكنها فسيح جناته
وإنا لله وإنا إليه راجعون
يالله ياللي فوق سبع ن متينه
عرشك رفعته وصرت يارب فوقه
ياسامعن صوت الخفوق وانينه
تجبر عزا اللي الفقد جرحه وعوقه
اللي بكت من سنة الموت عينه
وزادت تباريحه وزادت حروقه
المترف اللي بات روحه حزينه
يهل دمع الفقد من حجر موقه
القبر دار وكلنا ساكنينه
والموت حق وكل نفس تذوقه
وياانوار صبرا لو تكون الغبينه
فوق الصبر تبقى الوعود الصدوقه
إيمان باللي جميعنا عابدينه
رب الخلود وكل نفس ن زهوقه
ياانوار حزنك عم جو المدينه
والبر كل البر زهره ونوقه
ارواحنا ياخوك تدري رهينه
باللي عليها من خلقها يسوقه
واللي اعرفه عنك شيخه رزينه
وإنك على درب المكارم سبوقه
ياانوار كل اللي من الله زينه
وإن غرغرت روح الحنان الشفوقه
يبقى الدعاء عهد الفراق وضمينه
ويبقى احتسابك روض تجني عذوقه
امك مشت درب الملا سالكينه
يشوق كل اللي لقى الله شوقه
من هو كما امك نور ساطع جبينه
في جنة الفردوس يبنون روقه
مع العشره اللي نبينا مبايعينه
تشرب من الكوثر وتمسي غدوقه
ياانوار من عمره لربي ودينه
يلقاه ربي بكل لطف ورفوقه
واسأله ربي بكل قبضة يمينه
من ليله الداجي لصبح وشروقه
يجعل لها بعليين آمن وسكينه
وكالريح تجتاز السراط وربوقه
يفتح لها فتح النفوس الأمينه
من نفحة الفردوس بابه وطوقه
وتشفع لها آيات ذكر /ن مبينه
تتلوها في صبح الزمان وغسوقه
ومدات خير وخافيات ودفينه
من فاقة الضامي لبلت عروقه
ياانوار دعواتك وما تنفقينه
اخير لها من كل دمعه حموقه
ياخوك بأسمي واسم من تعرفينه
احسن عزاك الله بفقد الخلوقه
وصلو على اللي كلنا مشفعينه
يوم التناد ويوم قامت حقوقه
محمد رسول الله صافي جبينه
يفوق نور الكون والله يفوقه
اعداد من طافو وزارو المدينه
ومزن ن نشى باتت تلامع بروقه
|
 |
رد مع اقتباس
المشاركة الأصلية كتبت بواسطة شجون الليل
