المشاركة الأصلية كتبت بواسطة ريحااانة
وعليكم السلام ورحمة الله وبركاته..
كنت قبل فترة وانا اتعجب لهذا الحال ،، وأتخيل تعسر الولادة زمان كيف بدون مستشفيات وعايشين ..
اليوم قلة الحركة لها دور ،، وبالمقابل ربي اذا اراد تتعسر تتعسر أعرف وحدة من بداية شهرها الثامن وتخيلوا ذاك البطن وهي كل يوم تصبح تحبي وتمسي تحبي كله عشان ينزل راس جنينها لتحت وقال ذي يدي وذي رجلي والنهاية لان صحتها على قدها ما قدرت تتحمل وسووا لها عملية ..
عاد لها فوائد أكيد
بالمقابل تشكي تقول اجلس ميتة ثلاثة ايام بس عيوني تتحرك
واسبوعين يالله اقدر امشي ناهي ،، اما بطني يجلس شهور يضرني ..
الله المستعان ..
الطبيعية أفضل صحياً وجسدياً .
نجي لزمان كيف كانوا يتصرفون مساكين .
اذا تعسرت جت وحدة وخلتها واقفة ومتركية على كرسي وللا جدار وتمسك بطنها من يمين ومن يسار بيدينها وتجلس تنهوش بطنها حتى يتعدل وضعه وللا تولد بساعتها .. سبحان ميسر أمورهم ...
موضوع ناهي
هذي طريقة وفيه طريقة ثانية اللي يبغى يجيبها ولكن هذي الأبرز في زمنهم ..
وصلى الله وبارك على نبينا محمد ..
رد مع اقتباس
