ياجماعه انا سويت حاجه بس ما ادري هي منقود ولالا
قبل فتره كنت في الرياض وكنت نازل في فندق
وكان فيه واحد صديق عزيز يمر عليه كل ليله
ونروح الاستراحة حقه على طريق ديراب نسهر ونتعشى
ونلعب بالياردو حتى قرب الفجر ونروح
المهم ليلة من الليالي كان يلعب وانا جالس وجواله بجنبي
قال لي شف مين الاسم قريت الاسم الاهو مكتوب (الشيول)
قلت له له الشيول ..قال خلها ترن ذي ام العيال !!!
بصراحة تضايقت وما ارضاني الموضوع ..
فقمت وغيرت الاسم الى ام عبد العزيز من غير ما يدري
وقلت ابغاه يتفاجا لما تتصل ويرد وعلى شان مايشك
سجلت على رقمي اللي في جواله الشيول
كنت ابغاها تتصل مره ثانيه واقول له ام عبدالعزيز ويرد
عز الله ما اتصلت مره ثانيه وقمت العب ونسيت الموضوع وروحنا وهو نام في الاستراحه
المهم الساعة 6 الصباح الا ورقمه يدق
رديت وانا مدروخ نوم
هلا ابوعبد العزيز
هوه:من؟
قلت له مصحيني من النوم وتقولي من ؟ خاف الله ياخي خير
قال من ؟؟عبدالله ؟؟
قلت اي والله اش فيك يابوعبد العزيز
قال اش تسوي عندك ؟؟
قلت له نايم
قال وين ؟
قلت له في الفندق
قال لي منهو عندك؟ هههههههههههههه
قلت له شكلك مبسوط وانا معايه منوم مع السلامه وقفلت
نسيت اني غيرت الاسم والرجال اتصل على (الشيول) لانه متاكد انه رقم زوجته وانا رديت يفكره جوالها
تخيلو ماهو اللي حصل بعد كذا
|
 |
رد مع اقتباس
المشاركة الأصلية كتبت بواسطة العمدة
