في شماغه قصةٍ عيت تموت
قلب رجالٍ وفي وسطه مَرة
المرة تشبه من الالوان تووت
والرجل ياكل من النكهه اثمرة
ربي هذا الخافق الطيب يموت
في هوى حبه ولا لي مقدرة
قلبي اوهن من بيوت العنكبوت
وقلبه اقوى من بيوت القسورة
الدفا ماهو دفا ذيك البشوت
الدفا قلبك .. يصير لي مقبرة
اعشقك مكتوبة في اوراق نوت
واشهقك وانفاسي فيك مبعثره
المسافة واسعة .. والهم قوت
والفؤاد المنكسر من يجبره ؟!
الحظوظ اللي تنادينا وتفوت
تاخذ من العمر ونخسر اكثره
والثواني والدقايق مثل حوت
تبلع اللي تبلعه .. وتدمره
المباني والمواني والبيوت
والهوى الغايب تعبنا نسهره
الاماني كانت اولى بالثبوت
لما عشقك فوق صدري تنثره
ليه تتلاشى وتذبل دون صوت !
الحواجز ليه تكبر والطريق مسكره
|
 |
