قصيدة رائعة أتمنى أن تقرأها

[جريح الاقارب]

قصيدة رائعه !!!!!!!!!!
من اجمل الاشعار...وزنا ,وقافية, ومعنى, وسبكاً.. ولكن للاسف لااعلم من هو شاعرها

عزي في شماغ أحمـر.. وثـوب (أبيـض).. و(طاقيـه)
يا بنت أرجوك أنا مأقدر كفانـي ماضـي الغلطـات

أخــاف الله يعذبـنـي وأنــا خــواف يابنـيـه
واخـاف ابساعـه اللـذه يجينـا هــادم الـلـذات

ويأخذ مـن حشـى جوفـي بقايـا روحـي الحيـه
أنا ليّه ثمان اسنيـن وأنـا مدمـن علـى الشهـوات

ديـار الفسـق حاستهـا مواطـي تحـت رجلـيـه
عيوني مـن كبـر همـي تخلـط الـدم والعبـرات

مِسيـل الدمـع مـن عينـي حفـر بالخـد ماريـه
صحيح إنك جميله بـس تبنـا مـن هـوى الزينـات

تركنـا الحـب غصـب وطـوع للعيـن الشقاويـه
يابنت أنتي على بالـك أبأخـذ مـن بنـات الشـات؟

أجـل مجنـون أنـا يابنـت أشيـل العقـل بيديّـه؟
ترى أكبر شيء يربطني مِعك جـوال ابـو شاشـات

وهاتـف ينقـل أشواقـي علـى نبـرات سلكـيـه
وترى كل العلـوم اللـي عطيتـك بالهـوى كذبـات

وحتـى دمعتـي يـوم الفـراق الصعـب كذبـيـه
هـذاك اليـوم ماهلـت عيونـي لجلـك الدمعـات

لأن الدمـع ماينـثـر بقـصـه حــب وهمـيـه
أنا أضحك مِعك واضحك منك ..عليك أكثّر الضحكات

كأنـي بالـهـوى جـنـي.. يعـبـي راس جنـيـه
وأنا مانـي بخكـري يلبـس القمصـان.. والشرتـات

ويفـرح قلبـه المسكـيـن إذا حــب الدوينّـيـه
أنـا مـن لابـةٍ أروت ضمايـا سيوفهـا الغـزوات

خلاياجسمـنـا عـاشـت عـلــى دم القبيـلـيـه
ودهنتي شعـرك الاسـود بألـوانٍ مـن الصبغـات

وعيـت تقبـل الصبـغـه ملامـحـك الخليجـيـه
وحشرتـي ردفـك المسكيـن بالبنطـال ..والجنـزات

خلاقـيـنٍ تصنّعـهـا مـزاجــات اليـهـوديـه
عشاني ميـتٍ فـي ثغـرك الأحمـر أبـو لمعـات

تحسبينـي أبرضـخ لـك لأن إشـفـاك ورديــه ؟
ورب الكون مأرضى فيك لو إنك شيخـة الحلـوات

وإذا صمـل علـيّ العلـم أكـب ارض السعوديـه
يابنت الناس عـزك فـي سـوادٍ يستـر العـورات

وعزي في شماغ أحمـر.. وثـوب أبيـض.. وطاقيـه
سعودييـن نفخـر فــي عبـايـات السعـوديـات

نغـض الطـرف إجـلالً إذا شفـنـا السعـوديـه
وخليجييـن نفخـر فــي عبـايـات الخليجـيـات

نغـض الطـرف إجـلالً إذا شفـنـا الخليجـيـه

منقووووووووووووووووووولة
اتــمـــنـــى تــعـــجـــبـــكــم هالقــصــيـــده

[إحساس صادق]

جميله جدا
يعطيك العافيه على هذا النقل الجميل

[المنصوريـه]

نغـض الطـرف إجـلالً إذا شفـنـا الخليجـيـه


وكل النساء
مشكور

[علي بن حمود]

ياليت كل البنات يفهمون ها الشطر

يابنت الناس عـزك فـي سـوادٍ يستـر العـورات









ويا ليت لو كل الشباب يفهمون هالشطر


وعزي في شماغ أحمـر.. وثـوب أبيـض.. وطاقيـه
ولا حوك (وزره)وسميج




والله قصيده ممتازه وأكثر من رائعه

[ملك التعليم]

مشكور وقصيدة رائعة

[(( الطرّاف ))]

قصيدة رائعة

ننتظر المزيد

[عراف]

الشماغ الاصلي انقليزي لو قال عمامه كان افضل عموما الرجال قحم نذل نمره واستماره يكذب على البنات ويعترف بالكذب عيني عينك شيبة عرعر يقول ماقد بقى ولا مكان داشر من زمان ثمان سنين داشر. انخدعوا فيه المسكينات اللي المفروض يكونون بعمر بناته بدل ما ينصحهم او يدلهم على الطريق السليم قام يفضحهم لانه عارف نفسه ما يقدر يكمل معاهم للآخر قحم منتهي ولو شافوا وجهه بينصدمون قام وسوى ضربه استباقيه نذليه.

شكرا جريح الاقارب قصيده حلوه بس انا ماعجبني حركات الرجال

[الدارسي]

قصيدة رائعة
اخي عراف

[عراف]

اخي الدارسي ارجو اعادة قراءة القصيده

[نسيم الليل]

يعطيك العافيه

نقل رائع

تحياتي