ودي أسج بديرة مابها ناس
........... واعيش لو لحظة بلا هم وأحزان
ماتنزل دموعي ولا أحس بإحساس
........... ولا ينشغل بالي على أي إنسان
ترتاح روحي كلما هب نسناس
........... ويميل قلبي كل مامالت أغصان
أشوف سطح الماء مثل لمعة الماس
.......... واسمع صدى صوتي ترانيم والحان
ماشي يقيدني ولا فيه حراس
......... مافيه صد ومابه أحساس هجران
مافيه فقر ولا غنى ومابه إفلاس
........ مافيه كذب وزيف ومافيه نكران
يا ليتني البس من الوحده لباس
.......... واعيش ها اللحظات فترات وازمان
أمشي شموخ بخطوتي وأرفع الراس
.......... سقفي سما وأرضي من البوح بستان
تبي الصراحة: داخل القلب هو جاس
.......... مقدر أعيش بدون همي والأحزان
جنة بدون الناس وشلون تنداس
.......... وديرة بدون إنسان ماتقبل إنسان