السلام عليكم ورحمة الله وبركاته
حتى لو حذفتوا ابكتب واسب وماهمني احد منكم
وابكتب عن الهلال عن النصر والاتحاد والاهلي
واسب التحكيم وخلوا المشرفين يحذفون لين يعجزون
ابي اكتب عن ناديي المفضل وابي اسب المنافس
يعني وش تقدرووون تسوون؟؟ !!
لكن
قبل هذا
ابسألكم
وين انت بكرا او بعده؟؟
في استاد الملك فهد
ولا في ملعب فيصل بن فهد
انا اقولك لا !!
هذا مكانك ومكاني
(((((((((((((القبر)))))))))))))
صح والا انا غلطان؟؟
وإذا كان هذا مكانك او مكاني
وش المشكلة ؟؟
تعرف وش المشكلة
راح يجونك اثنين ويسألونك !!
وش تتوقع يسألونك عنه؟!
تتوقع:
كم مره فاز الهلال على النصر او العكس؟
او هل هدف المشعل صحيح والا تسلل؟؟
اوالا كم بطولة حقق الهلال؟
او إيش لقب النصر؟
ما راح يسألونك عن اي واحد من اللي انذكروا!!
راح يسألونك من ربك ؟ ومن نبيك ؟ وما دينك ؟
عاد شوف انت تقدر تجاوب والا ماعندك الاعدد بطولات والقاب وكم مره فاز فلان على علان!!
والمشكلة الاكبر
بعد كذا
لما تقابل رب العزة والجلال
ويسألك ليش سبيت فلان
وليش دعيت على فلان
وليش لعنت علان
لعنته لانه قتل ابناء المسلمين
والا لانه قال كلمة عن لاعبك المفضل وما اعجبتك
اجزم لك بانه لو سألك اي واحد منا ؟ والله تخجل انك تجيب بهالاجابة؟
فما بالك والذي يسألك هو خالقك؟
والا تتنظر لاعبك المفضل يدافع عنك!!
او رئيس ناديك او بطولاته تشفع لك!!
؟؟؟
والغريب ان اكثركم يسب ويشتم ويلقي كلمات لا يلقي لها بالا
وبالنهاية يقول حنا اخوان وهذي كلها كم يوم وتنتهي!!
بعد كلامكم
بحثت عن كلمات السب والشتم في قاموس الاخوة لكن للاسف ماحصلت ولا كلمة منها في هذا القاموس
واكتشفت ان هالقاموس قديم ولا يناسب التطور الذي نعايشه هالايام
وجتني فكرة انشيء قاموس جديد للاخوة
يبدأ بمقدمة الله يلعنك يا أخي
ويختتم بكلمة تف عليك وعلى شكلك يا اخي
لتبقى مشاعر الاخوة متناسبه مع تطور العصر.
وش رايكم؟؟
ننشيء هالقاموس ونواكب العصر ونطور الاخوة بيننا للقاموس الجديد؟؟
او نحترم بعضنا البعض ونبقي على معاني الاخوة بيننا كما كانت؟؟
ختاما اعتذر منكم جميعا عما بدر مني وعلى كلماتي في بداية الموضوع
لكن اعذروني الموضوع عاوز كدا !!
همسة للجميع
شجع ناديك ولكن لا يكن تشجيعك سببا في سب اخيك المسلم
وحب لاعبك المفضل ولكن لايكن حبك له فوق محبة الله ورسوله صلى الله عليه وسلم
وتذكر قوله تعالى ( مايلفظ من قول الا لديه رقيب عتيد))
للامانة عجبني ونقلتة لعل من فيه هذه العادة يتخلى عنها ويعرف ان السب واللعن سواءً لفظاً او كتابةً محاسباً عليه وليعلم ان الشخص الذي سبه لو كان امامه لكان اجبن من ان يسبه مع العلم ان كل واحد فينا لايرضى ان يسبه احد فلماذا تسب وتلعن وتقذف الآخرين بملئ فاك.................
|
 |
رد مع اقتباس
المشاركة الأصلية كتبت بواسطة مشبك وقهوة
لا موغلطانه بارك الله فيك 
