...
مِنْ صَباحَاتْ الريّاض .. المؤلمة
موجة برد مميْتة
/
الليلة البدر اكتمل
الليلة آشوفك .. وأطير ..
أطير بجناح الأمل !
الليلة انتي والشعور الماثل قبالك -على هيئة سرور-
و اسمه ابراهيم !
يحبك بـ كلما لديه !
ويحبك بـ ما لا لديه !
واحيان لا احتار شيقول ..
يضحك لك ..
ويفرد يديه !
يشوف بعيونك فرح ..
يملاله الدنيا فرح ..
حتى يشكّ انّه في يوم من الأيام .. منك انجرح !!
هو انجرح !!
لا ما انجرح !!
يمكن تضايق من غيابك واسرف به الحزن ..
وسرح !
يمكن يخاف الوقت لاتخلص شهوره ..
وغيبتك مثل النصل .. ينحت
وفـ ظلوعه سطوره !
وش غيبتك ؟
لحظه !!
هالحين .. وش جاب طاري غيبتك !؟
وانتي ياعصفورة .. هالحين بكفوفي
قولي –ومشكوره-
للسالفه :-
"طوفي" !
قومي ارسمي صوره .. وأطير حروفي !
لكن ياأموره .. مابه حكي يوفي !
ياليلي .. ونوره .. ضميني .. وشوفي ..
وشلون عصفوره .. تقدر ترد انسان ميت .. لها الدنيا !!
ابراهيْم الرشوْد
خـلاص ماباقـي إلا تعلـن فراقـي
كمل جميلـك مدامـك مبعـد وقلهـا
سِـن المفـارق ولاتاخـذ بميثاقـي
لا انت آخر الناس من باعت ولا اولها
ارحمني من هالعذاب وحرر وثاقـي
روحٍ تحبـك وفاهـا هـد كاهلـهـا
رحلت لكن تركت الوجـد باعماقـي
نارٍ لظاهـا يبيـن بعينـي الولهـى
همّلتني للسهـر والحـزن وأوراقـي
ماغير أخط القوافي فيـك وأرسلهـا
ياللي تساوم على صبـري وخفاقـي
إلى متـى تمتحـن روحـي وتـعْللها
ان كان به مايبـرر منـك إحراقـي
سلمتك الروح بيـن إيديـك واغتلهـا
ناظر بعين الضمير الحـي وتلاقـي
جورك/ وطيبـي ووقفاتـي مقابلهـا
وأنا مع إنـي أمـوت فحبك..وباقـي
ماقلـت عـود علـي ولاتطولـهـا
فديت قلبـك تجمّـل وإعلـن فراقـي
روحٍ تحبـك وفاهـا هـد كاهلـهـا
عبد الله التركي
بسـألِك,
شِللي تشوفه ,
غير طبعي في العناد؟
أو تفاصيل الغرور ؟
وقّـف إحساسـك .. خلاص ؟
ولاّ أتعبـك الشـعور ؟!
تنتـظر أحتاجلك ؟!
عَ ـذْبَة ..!!
يمرّ الغيم ، وأفتح عيني ، وآجرّه
الين ْيحك جرحي وأبكي احساسي
وأوادع كل راحه وأرجع اتشرّه
على ثقل القرار وما صنع باسي
لأنّي ما فقدتك لو ربع مَرّه !!
انا يوم افترقنا فاقدٍ ناسي !!
أحس بـ ( لا شعور ) ولسعة الحرّه
ولكن لا ذكرتك وانت متناسي ...
هذاك اليوم ، كنّي بالعٍ جمره
اغص آبعتذر لك ، والبلا ياسي ...
يقول انسى القضيّة واكفني شرّه
مثل ما ذقت كاسه عبّ له كاسي
وأنا مقفي ، وأشوف الموت !! وآجرّه
وأطيح بـ شوق ، وأرجع وألقط انفاسي !!
تقل كنّي يتيم يعانق الحسره
بعد ما رحت وانت مكفّن احساسي !!
فمان الضيق . روّح . والوعد بكره ،
مصير القاسي ايعتّب ثرى قاسي
وانا ما عادني شفقان عالنظره
انا شفقان عقلي يرجع لـ راسي !!
طارِقْ اليَحْيَا
حب الطفوله وعشر سنين تسبقني
.........يمّك..وانا اهذّب لـْلقياك..[ اغانينا ]
اشتقت اجدد كحل عيني بعاشقني
........عشان اشوف الحياة بعين ماضينا
اشتقت [لمس الكفوف] اللي يوّرقني
.......لين ايتساقط .. قرنفلنا من ايدينا
تحلم بقربي؟ [تعال الحين حققني]
......."احلامنا" .. ما يحققها .. تجافينا
معذور قلبي اذا بُعدك يضايقني
.......اخاف بالبعد .. [ تتشكل اسامينا ]
ياكل نبضي معاك الحظ رافقني
.......بس بغيابك.. وش اللي باقي ٍ فينا؟
[تخيل !! ] ان نبرتك تبقى تعانقني
.........يومين ... اربع ... وانا لابحر لا مينا
واوقات احس المدى عاجز يصدقني
.........واقوم اعدّ الحصا واجمع خطاوينا
لاتقول: ويّاك ربي [مو موفقني]
.........انا معك....... لين تتحقق امانينا
ريحْ المَطَرْ .!
... وما نَيل المطالب بالتمني .. ولكن شوفتك كل الأماني ..!!
عبد الله بن ذويبان
,‘
.
|
 |
رد مع اقتباس