القرقيعان

[جارهـ القمر]

الله عليك أدري بتقولون حرام

لكن والله اني اقرأ الموضوع واسمعهم في الشارع وهم على قولتنا يقرقعون

نلبس البخنق مثل مايسمونه اهل الحسا.. وناخذ لنا هههه كيس ونطلع

طبعا الاهازيج في الحسا تختلف شوي //


قرقع قرقع قرقيعان بيت اقصير ورمضان
عطونا الله يعطيكم بيت مكة يوديكم
يوديكم لأهاليكم
عن المطر والرعد
سله سليلة الذهب والعيش عيش القارة
طارت ابه السحارة
عام عام ياصيام .. عساكم تعودونه

وبعدها يسألون عن اسم الولد
يالله تخلي فلان لأمه
عسى البقعة ما تخمه
و لا توازي على أمه

ويعطونهم الفصفص والمكسرات والحلويات واحيانا فلوس
ونطلع للبيت الثاني
وهكذا
الله ياهذيك الايام ونااااسهـ


طبعا الايام هذي

بدأت تتوسع سمعت بوحده اليوم بتسوي قرقيعان ولدها في استراحه
وعشان عيالهم مايطلعون في الشوارع يتحوسون
بس حلاتها انك تدور من بيت لبيت


واذا ماعطونهم في انشودة ثانية يقولونها بس مو حافظتها

مشكوره

[ماجد الحدادي]

الله عليك أدري بتقولون حرام

لا تحريم ولا تحليل في براءة الاطفال اختي الكريمهـ



عشت معهم ورأيت القرقيعان لاكثر من سبع سنوات

صراحهــ ابداع والواحد يتمنى الخير لكل الناس


وعلى فكرهـ حتى في العيون يحتفلون بالقرقيعان وانتي عارفهـ انهم سنهـ

الاسبوع اللي طاف انعزمت على عشاء في قريهـ من القرى الشرقيهـ

طبعا جلست وعلى بالي انهم كلهم شيعهـ

اللي اتضح لي انك تجد الاب شيعي والام شيعيهـ واولادهم مناصفه سنة وشيعهـ

وبأم عيني رأيت ذلك



جارة القمر عندهم امور ثانيهـ يمكن انها محرمهـ اما القرقيعان لاوالله الا باقرقع حتى لو اني قحم باوقف وبااستمتع باغانيهم واهازيجهم