مطبخ بنات المنتدى الشلحات

[نيسَانْ ,!]

اليوم سويت Texas Fries أتحدى تشيليز يسوون مثله




المقادير :







- لحمة مفرومة مع بصل ومكعب ماجي
- نقانق مقطعه قطع صغيرة جداً جداً يعني أهم شي طعمها
- صلصة البيتزا , اما تسوونها كشنه عاديه مع بهارات البيزا أو صلصة بيزا جاهزة
- بطاطس اما تقطعون قطع كبار شي أو تشترونها جاهزة
- بهارات وفلفل أسود
- كاتشب وصلصة صويا
- جبنة موزريلا

الطريقة :
نحط البصل مع اللحمه المفرومة الين تنشف منها مويتها بعد كذا نحط عليها الصلصة كل ما كثرت الصلصه كل ما صار أطعم , ونحط البهارات والكاتشب والصويا وبعد كذا نرمي النقانق عليهم نحرك شويه ونطفي النار
وأثناء ما نسوي الكشنة نقلي البطاطس , وبعدين نصف نص البطاطس في صينية ونرش فوقهم الجبن وكل ما كثرت الجبنة صارت ألذ أنا حطيت حيلي وكبيت كل الجبنة ونسيت أحط ع الوجه



, بعدين ندخلها الفرن من فوق بس الين تسيح الجبنة , بعد كذا نحط باقي البطاطس ونحط فوق البطاطس اللحمة ونرش أيضاً جبن موزاريلا بس أنا نقصت عليّ لذلك طلع الشكل أي كلام :/ صح قبل ما نحط الجبن فوق نحط قطع فلفل هالبينو بس للي ماعندهم أطفال ونفاس وبعدين ندخلها الفرن من فوق بس الين تسيح الجبنة وبالعافية .


الشكل الأخير :






مو مهم الشكل أهم شي الطعم


الصوص :






زبادي + مايونيز + ليمون + كمون + فلفل أسود + ملح + نعناع مجفف