[quote=مخلص;698843]من وحي مركب ورقية صنعتها لطفلتي الصغيرة كتبت علي جانبيها ماجال ببالي
الحب ده مركب كبير
وانا اللي ريسها
مراسيه قلوب العاشقين
وأنا اللي دارسها
وإن مالت المركب بيا
أعدلها بحبة حنية
وارجع تاني أسير
بشوق جديد وأسايسها
****************
رسيت علي بر الحبيب
لقيته متغير
قابلني زي الغريب
والفكر أهوإتحير
قولتله أمرك عجيب
ليه بس ياصغير
قالي بعادك طال
أكتر من الأول
والبعد طول عمره جفا
والقلب أهو أتحول
لو كان قلبك اشتاقلنا
ما كانش البعاد طول
ليه جي تلوم علي قلبي أنا
لوم علي قلبك الأول
******
سالت دموعي علي خدي
شقت طريق ليها
داريت دمع العين لكن قلبي
دموعه مقدرتش أداريها
لملمت جروحي وأحزاني
ورحت طاويها
وعملت من الأمل شراع
لبحر الهوي أسير بيها
يمكن أرسي بجروحي علي مينا
يكون فيها مداويها
*******************
يارب تعجبكم
عصام الدين محمد " مخلص "
اردت فقط تكبير الخط لجزء في المشاركة الأصلية
رد مع اقتباس