إلي قلب الأم النابض بحب فلذات أكبادها أهدي كلماتي
الله عليكي ياأمي
وعلي حنانك وطيبتك
طول عمرك ياحبيبتي
شايلاني جوة قلبك
أفرح تفرحي ليا
أحزن تبكي عليا
ولو فتحتي قلبي
هتلاقي جواه صورتك
الله عليكي ياأمي
وعلي حنانك وطيبتك
************
بالحب علمتيني
أحافظ ع العهود
وزرعتي فـ قلبي خير
ياامه مالوش حدود
قولتيلي حب ربك
شيل الفقير فـ قلبك
وإياك تنسي بلدك
إحفظ مجد الجدود
ولو شيطانك شاطر
إبني في وشه السدود
سعيد فـ الدنيا ياامه
طول مـ أنا ماشي بمشورتك
الله عليكي ياأمي
وعلي حنانك وطيبتك
*************
سامحيني لو كت عندت
ومشيت ورا هوايا
أو لنصيحتك ما فهمت
إن فـ نصحك دوايا
قلبك كبير مسامح
وعمره ما كان لي جارح
وأنا مهما غلطت ياامه
أنا بردو أبقي إبنك
الله عليكي ياأمي
وعلي حنانك وطيبتك
************
كلمات عصام قمر" مخلص "
وللام اكبرمن ذلك بكثيرفلاوصف يوفيهاحقهاولاكلمات ولاجمل ولاقصائدولانثر
دمت ودام قلمك
ابراهيم الفرحان(ريف)
|
 |
رد مع اقتباس
المشاركة الأصلية كتبت بواسطة إبراهيم الفرحان
