يا ويلهم من دعوتي تالي الليل
من بعدهم .. ضاقت عليّ الاماكـن .. !
.. .. .. .. .. .. .. .. صرت آتنفس ضيقتـي / و التهاويـل ..
ما قمت احس ان المساكن ( مساكن ) ..
.. .. .. .. .. .. .. ..من حيرتي .. كل الاماكن كما الويل ..!
هذي همومي داخـل الصـدر حاكـن ..
.. .. .. .. .. .. .. ..فستان قهْر و تضحيـات و مواويـل ..
و دمعتيـنٍ فـوق خـدي .. تباكـن ..
.. .. .. .. .. .. .. ..أوزانهن خفَّفْ لو .. الهاجـس ثقيـل ..
اخفيهـن بصمـتٍ يهـزّ السـواكـن ..
.. .. .. .. .. .. .. ..عديت طعنة هالظهر ( كذبة ابريـل ).. !
صح قْهروني .. و من قهرهم تحاكن ..
.. .. .. .. .. .. .. ..جروح هدّت ما بقى بي مـن الحيـل ..
و بْرغم هذا الهم في القلـب ماكـن ..
.. .. .. .. .. .. .. ..و برْغـم زفـرات الألـم و التعاليـل ..
ما راح اشكيهم علـى النـاس لكـن ..
.. .. .. .. .. .. .. .. (( يا ويلهم من دعوتي تالي الليل )) .. !!
.. .. .. .. .. .. .. .. (( يا ويلهم من دعوتي تالي الليل )) .. !!
.. .. .. .. .. .. .. .. (( يا ويلهم من دعوتي تالي الليل )) ..!!
|
 |
رد مع اقتباس
المشاركة الأصلية كتبت بواسطة حاكم العشاق
