الطبق الثالث
مقدم من ( رديمة )
محشي الملفوف مع قطع اللحم
المقادير
رز مصري
معجون طماطم + عصير طماطم
لحمه مفرومه
لحمه قطع
بصل + بقدونس +شبت + كزبره خضراء + نعناع اخضر
ملح + فلفل اسود + بهارات حسب ذوقك
ماجي + ثوم
زيت + سمن
الطريقه
نضع السمن و الزيت في قدر علي النار ثم نضع البصل
نحرك البصل لين يذبل ويصير لونه ذهبي
ثم نضع فصين الثوم طبعا نفرمهم ونقلبهم مع البصل
بعدها نضيف عصير الطماطم ثم نضع البهارات والملح
ونتركها على النار عشان تتسبك والماجي
ثم نضيف الصلصه ( معجون الطماطم )
ثم نضيف البقدونس والكزبره الخضراء والشبت والنعناع الاخضر والناشف
ونقلبها ونتركها على النار لين تغلي بعدين نطفيها
بعد ما تبرد شوي نضيف لها الرز المغسول واللحمه المفرومه
وممكن تستغني عن اللحمه المفرومه دام انك بتحطي قطع اللحم في القدر من تحت وترصي المحشي عليها ثم نبدي بالحشو
انا هنا سويت محشي ملفوف على طلب خلودي فديته لانه يحبه
ومعه حطيت فلفل اخضر
وحشيتهم وبديت احط في القدر بصل مقطع شرائح وحطيت شوية زيت وبنفس المقدار سمن
وقلبتهم لين شميت ريحة امكشنه 1:
وحطيت قطع اللحم والطبقه الثانيه الملفوف والطبقه الاخيره الفلفل الاخضر
واخيرا حطيت كم قطعه من اللحم من فوق
وعندي مرقة لحم صبيته من فوق وبسسسسسسسسسسس 1:
وهذا المحشي قدامكم كل شي لحاله عشان يبان
بصراحه شغل صايم وان شاء الله في الفطر بسوي لكم المحشي على اصوله وبروقان
|
 |
رد مع اقتباس